ທ່ານຮອງປະທານາທິບໍດີ Fuat Oktay ຢັ້ງຢືນວ່າ ຕວກກີ ຖືເປັນສໍາຄັນ ແລະປາດຖະໜາຢາກເພີ່ມທະວີການພົວພັນຮ່ວມມືຫຼາຍດ້ານກັບຫວຽດນາມ ກວ່າອີກ. ເນື່ອງໃນໂອກາດນີ້, ຕວກກີ ປະກາດໜູນຊ່ວຍວັກຊິນຈໍານວນ 200.000 ໂດສ, ເຄື່ອງຜະລິດອົກຊີແຊນ ແລະອຸປະກອນການແພດປ້ອງກັນ, ຕ້ານພະຍາດໂຄວິດ-19  ໃຫ້ຫວຽດນາມ. 

ທ່ານນາຍົກລັດຖະມົນຕີ ຟ້າມມິງຈີ໊ງ ຂອບໃຈລັດຖະບານ ຕວກກີ ທີ່ໄດ້ໃຫ້ການໜູນຊ່ວຍວັກຊິນກັນໂຄວິດ-19 ແລະອຸປະກອນການແພດໃຫ້ແກ່ຫວຽດນາມ. ທ່ານ ຟ້າມມິງຈີ໊ງ ຫວັງວ່າ ສອງຝ່າຍຈະແບ່ງປັນບົດຮຽນ ແລະສົມທົບກັນຢ່າງແໜ້ນແຟ້ນໃນການປ້ອງກັນ, ຕ້ານພະຍາດໂຄວິດ-19 ແລະເປີດປະຕູພື້ນຖານເສດຖະກິດ, ຍູ້ແຮງການພົບປະແລກປ່ຽນ, ພົວພັນການຄ້າ...

leftcenterrightdel
ທ່ານນາຍົກລັດຖະມົນຕີ ຟ້າມມິງຈີ໊ງ ໂອ້ລົມທາງໂທລະສັບກັບທ່ານຮອງປະທານາທິບໍດີ ຕວກກີ Fuat Oktay. ພາບ: ສໍານັກຂ່າວສານຫວຽດນາມ.

ສອງຝ່າຍໄດ້ຢັ້ງຢືນເຖິງການຖືເປັນສໍາຄັນການພົວພັນມິດຕະພາບລະຫວ່າງຫວຽດນາມ-ຕວກກີ ແລະເຫັນດີສືບຕໍ່ຕັ້ງໜ້າຊຸກຍູ້ການພົວພັນຮ່ວມມືຫຼາຍດ້ານລະຫວ່າງສອງປະເທດ. ກ່ຽວກັບດ້ານການເມືອງ-ການທູດ, ສອງຝ່າຍເພີ່ມທະວີການແລກປ່ຽນທຸກຂັ້ນ, ໂດຍສະເພາະແມ່ນຂັ້ນສູງ; ຄົ້ນຄວ້າເປີດສະຖານກົງສູນໃຫຍ່ ຕວກກີ ປະຈໍາ ນະຄອນໂຮ່ຈີມິນ ໂດຍໄວ; ເສີມຂະຫຍາຍກົນໄກຮ່ວມມືທີ່ມີຢູ່ແລ້ວໃຫ້ມີປະສິດທິຜົນ...

ຝ່າຍຕວກກີ ຢັ້ງຢືນວ່າ ພ້ອມແລ້ວທີ່ຈະແບ່ງປັນໝາກຜົນການພັດທະນາວັກຊິນພາຍໃນ Turkovac ທີ່ກໍາລັງທົດລອງໄລຍະ 3 ກັບຫວຽດນາມ; ຮັບຮອງເອົາປາດສະປໍວັກຊິນ ຂອງກັນ ແລະກັນ, ປະກອບສ່ວນນໍາການພົວພັນຮ່ວມມືຫຼາຍດ້ານລະຫວ່າງສອງປະເທດ ເຂົ້າສູ່ແທດຈິງໃນໄລຍະຈະມາເຖິງ.

ກ່ຽວກັບການຮ່ວມມືຫຼາຍຝ່າຍ, ການນໍາສອງທ່ານ ເຫັນດີເປັນເອກະພາບນຳກັນວ່າ ສອງປະເທດຄວນສືບຕໍ່ປຶກສາຫາລື ແລະສົມທົບກັນຢ່າງແໜ້ນແຟ້ນຢູ່ທີ່ເວທີປາໄສ, ອົງການຈັດຕັ້ງສາກົນ, ໂດຍສະເພາະແມ່ນໃນຂອບເຂດ ສປຊ; ກ່ຽວກັບບັນຫາທະເລຕາເວັນອອກ, ສອງທ່ານ ໄດ້ເນັ້ນໜັກເຖິງຄວາມສໍາຄັນຂອງການຮັບປະກັນຄວາມເສລີໃນການເດີນທະເລ, ການບິນ, ຄວາມໝັ້ນຄົງ ແລະສັນຕິພາບໃນພາກພື້ນ, ແກ້ໄຂການຂັດແຍ້ງກັນໂດຍສັນຕິວິທີບົນພື້ນຖານກົດໝາຍສາກົນ, ໂດຍສະເພາະແມ່ນສົນທິສັນຍາຂອງສະຫະປະຊາຊາດ ກ່ຽວກັບກົດໝາຍວ່າດ້ວຍທະເລ (UNCLOS) ປີ 1982.

ໂດຍ: ໄຊຊະນະ