ອິນໂດເນເຊຍ ຍາມໃດກໍ່ຖືເປັນສໍາຄັນການພົວພັນຄູ່ຮ່ວມມືຍຸດທະສາດກັບ ຫວຽດນາມ
ກປ.ອອນໄລ - ວັນທີ 11 ຕຸລາ, ຢູ່ຮ່າໂນ້ຍ, ທ່ານ ບຸ່ຍແທັງເຊີນ ລັດຖະມົນຕີກະຊວງການຕ່າງປະເທດຫວຽດນາມ ໄດ້ຕ້ອນຮັບການເຂົ້າຢ້ຽມຂ່ຳນັບຂອງທ່ານ Denny Abdi ເອກອັກຄະລັດຖະທູດອິນໂດເນເຊຍ ປະຈຳ ຫວຽດນາມ.
ທ່ານ ບຸ່ຍແທັງເຊີນ ສະເໜີທ່ານ Denny Abdi ເອົາໃຈໃສ່ຊຸກຍູ້ການຮ່ວມມືລະຫວ່າງສອງປະເທດໃນບັນດາຂົງເຂດກວ່າອີກ; ສູ້ຊົນນຳວົງເງິນການຄ້າສອງຝ່າຍໃຫ້ບັນລຸ 10 ຕື້ໂດລາສະຫະລັດ ໂດຍໄວ; ຍູ້ແຮງການລົງທຶນໃສ່ຂົງເຂດທີ່ສອງຝ່າຍມີຄວາມສາມາດບົ່ມຊ້ອນ ແລະມີທ່າແຮງ; ພັດທະນາແຫຼ່ງຊັບພະຍາກອນມະນຸດ, ເພີ່ມທະວີການຮ່ວມມືດ້ານທະເລ; ກ້າວໄປເຖິງການຮັບຮອງເຊິ່ງກັນ ແລະກັນກ່ຽວກັບປາດສະປໍວັກຊິນ/ໃບຢັ້ງຢືນການສັກວັກຊິນກັນໂຄວິດ-19, ສ້າງຄວາມສະດວກໃຫ້ແກ່ພົນລະເມືອງສອງປະເທດເຂົ້າ-ອອກເມືອງ ເມື່ອເງື່ອນໄຂເອື້ອອຳນວຍ.
|
|
ທ່ານ ບຸ່ຍແທັງເຊີນ ລັດຖະມົນຕີຕ່າງປະເທດຫວຽດນາມ ຕ້ອນຮັບທ່ານ Denny Abdi ເອກອັກຄະລັດຖະທູດອິນໂດເນເຊຍ ປະຈຳ ຫວຽດນາມ. ພາບ: ກະຊວງການຕ່າງປະເທດ. |
ສ່ວນທ່ານເອກອັກຄະລັດຖະທູດ Denny Abdi ເນັ້ນໜັກວ່າ ຍາມໃດ ອິນໂດເນເຊຍ ກໍ່ຖືການພົວພັນຄູ່ຮ່ວມມືຍຸດທະສາດກັບຫວຽດນາມ ເປັນສຳຄັນ; ທ່ານໃຫ້ຄຳໝັ້ນສັນຍາວ່າ ຈະສົມທົບກັບກະຊວງການຕ່າງປະເທດ ແລະອົງການທີ່ກ່ຽວຂ້ອງຂອງຫວຽດນາມ ຢ່າງແໜ້ນແຟ້ນ ເພື່ອແກ້ໄຂຄວາມຫຍຸ້ງຍາກ, ຊຸກຍູ້ຂົງເຂດຮ່ວມມືທັງສອງຝ່າຍ ແລະຫຼາຍຝ່າຍຢ່າງແທດຈິງ, ປະກອບສ່ວນຊຸກຍູ້ສັນຕິພາບ, ສະຖຽນລະພາບຢູ່ຢາກພື້ນ.
ໂດຍ: ທະນາພອນ