leftcenterrightdel
ພິທີມອບຮັບວັດຖຸອຸປະກອນການແພດໂດຍລັດຖະບານ ໂປໂລຍ ມອບໃຫ້. ພາບ: ຊວນຢຸຍ.

ເຂົ້າຮ່ວມພິທີ, ຝ່າຍຫວຽດນາມ ມີທ່ານ ຫງວຽນເຈື່ອງເຊີນ ຮອງລັດຖະມົນຕີກະຊວງສາທາລະນະສຸກ, ທ່ານ ເຢືອງແອັງດຶກ ຮອງປະທານຄະນະກໍາມະການປະຊາຊົນນະຄອນ ໂຮ່ຈີມິນ, ຜູ້ຕາງໜ້າບາງພະແນກ, ຂະແໜງການຂອງນະຄອນໂຮ່ຈີມິນ. ຝ່າຍໂປໂລຍ, ມີທ່ານ Wojciech Gerwel ເອກອັກຄະລັດຖະທູດ ໂປໂລຍ ປະຈໍາ ຫວຽດນາມ ພ້ອມດ້ວຍພະນັກງານ, ພາລະກອນສະຖານທູດ ໂປໂລຍ.

ກ່າວຄໍາເຫັນທີ່ພິທີມອບ-ຮັບ, ທ່ານ ຫງວຽນເຈື່ອງເຊີນ ຮອງລັດຖະມົນຕີກະຊວງສາທາລະນະສຸກຫວຽດນາມ ສະແດງຄວາມຂອບໃຈຢ່າງຈິງໃຈຕໍ່ລັດຖະບານ ໂປໂລຍ ທີ່ໄດ້ມອບວັດຖຸອຸປະກອນການແພດທີ່ຈໍາເປັນໃຫ້ແກ່ຫວຽດນາມ ແລະ ຢັ້ງຢືນວ່າ ຈະແບ່ງປັນເຄື່ອງຊ່ວຍເຫຼືອດັ່ງກ່າວໃຫ້ບັນດາທ້ອງຖິ່ນໄວທີ່ສຸດເພື່ອຮັບໃຊ້ວຽກງານປິ່ນປົວໃຫ້ຜູ້ຕິດເຊື້ອພະຍາດໂຄວິດ-19 ຢ່າງທັນການ.

ສ່ວນທ່ານເອກອັກຄະລັດຖະທູດ Wojciech Gerwel ໃຫ້ຮູ້ວ່າ ຫວຽດນາມ ແມ່ນຄູ່ຮ່ວມມືບຸລິມະສິດຂອງໂປໂລຍ ຢູ່ພາກພື້ນ, ເປັນປະເທດຢູ່ນອກເອີລົບທໍາອິດ ເຊິ່ງ ໂປໂລຍ ອຸປະຖໍາວັກຊິນ ແລະອຸປະກອນການແພດ. ກ່ອນໜ້ານັ້ນ, ຊຸດວັກຊິນ AstraZeneca ຈໍານວນ 501.600 ໂດສ ໂດຍລັດຖະບານ ໂປໂລຍ ມອບໃຫ້ກໍ່ມາຮອດຫວຽດນາມ ໃນວັນທີ 23 ສິງຫາ 2021.

ໂດຍ: ໄຊຊະນະ