ຊາວຫວຽດນາມ ອາໄສຢູ່ອົດສະຕາລີ ບໍລິຈາກເງິນເພື່ອສະໜັບສະໜູນການຕໍ່ສູ້ປ້ອງກັນ, ຕ້ານພະຍາດໂຄວິດ-19 ຢູ່ ຫວຽດນາມ
ກປ.ອອນໄລ - ພາຍຫຼັງ 1 ເດືອນ ປຸກລະດົມການຂົນຂວາຍບໍລິຈາກເງິນສະໜັບສະໜູນການປ້ອງກັນ, ຕ້ານພະຍາດໂຄວິດ-19 ຢູ່ຫວຽດນາມ, ນັບແຕ່ວັນທີ 28 ມິຖຸນາ ຫາວັນທີ 28 ກໍລະກົດ, ສະຖານກົງສູນໃຫຍ່ໄດ້ຮັບຈຳນວນເງິນກວ່າ 41.000 AUD (ປະມານ 650 ລ້ານດົ່ງ) ຈາກຫຼາຍອົງການ, ສະມາຄົມນັກສຶກສາ ແລະສ່ວນບຸກຄົນພວມດຳລົງຊີວິດຢູ່ລັດ New South Wales, Queensland, ອົດສະຕາລີໃຕ້...
ສະຖານກົງສູນໃຫຍ່ຫວຽດນາມ ປະຈຳ Sydney, ອົດສະຕາລີ ຫາກໍ່ແຈ້ງໃຫ້ຮູ້ວ່າ ພາຍຫຼັງ 1 ເດືອນ ປຸກລະດົມການຂົນຂວາຍບໍລິຈາກເງິນສະໜັບສະໜູນການປ້ອງກັນ, ຕ້ານພະຍາດໂຄວິດ-19 ຢູ່ຫວຽດນາມ, ນັບແຕ່ວັນທີ 28 ມິຖຸນາ ຫາວັນທີ 28 ກໍລະກົດ, ສະຖານກົງສູນໃຫຍ່ໄດ້ຮັບເງິນຈຳນວນກວ່າ 41.000 AUD (ປະມານ 650 ລ້ານດົ່ງ) ຈາກຫຼາຍອົງການ, ສະມາຄົມນັກສຶກສາ ແລະສ່ວນບຸກຄົນພວມດຳລົງຊີວິດຢູ່ລັດ New South Wales, Queensland, ອົດສະຕາລີໃຕ້...
|
|
ຂໍ້ມູນການປຸກລະດົມການຂົນຂວາຍບໍລິຈາກເງິນສະໜັບສະໜູນການປ້ອງກັນ, ຕ້ານພະຍາດໂຄວິດ-19 ຢູ່ຫວຽດນາມ ໄດ້ລົງຢູ່ເວັບໄຊຂອງສະຖານກົງສູນໃຫຍ່ຫວຽດນາມ ປະຈຳ Sydney. ພາບ: vovworld.vn |
ວັນທີ 29 ກໍລະກົດ, ຈຳນວນເງິນດັ່ງກ່າວໄດ້ໂອນເຂົ້າບັນຊີຂອງຄະນະກຳມະການແນວໂຮມປະເທດຊາດຫວຽດນາມ. ນອກຈາກບັນດາບ້ວງເງິນປະກອບໄດ້ສົ່ງໂດຍກົງເຖິງບັນດາອົງການເຈົ້າໜ້າທີ່ຂອງຫວຽດນາມ ແລ້ວ, ຊາວຫວຽດນາມ ອາໄສຢູ່ບັນດາລັດ ແລະເຂດແຄ້ວນໃນທົ່ວປະເທດອົດສະຕາລີ ກໍ່ມີການເຄື່ອນໄຫວແທດຈິງຫຼາຍຢ່າງ ເພື່ອໜູນຊ່ວຍວຽກງານປ້ອງກັນ, ຕ້ານພະຍາດຢູ່ຫວຽດນາມ ແລະຊ່ວຍເຫຼືອບັນດາຜູ້ປະສົບກັບຄວາມຫຍຸ້ງຍາກຍ້ອນໂລກລະບາດ.
ໂດຍ: ທະນາພອນ