ຕາມບົດຂຽນແລ້ວ, ໃນໄລຍະຜ່ານມາ, ການນໍາຫຼາຍປະເທດ, ອົງການອະນາໄມໂລກ (WHO), ອົງການຈັດຕັ້ງ ແລະສື່ມວນຊົນສາກົນຕ່າງໆ ລ້ວນແຕ່ຮັບຮູ້ກໍ່ຄືຕີລາຄາສູງປະສິດທິຜົນແຫ່ງການປ້ອງກັນ, ຕ້ານພະຍາດໂຄວິດ-19 ຂອງຫວຽດນາມ. ມາຮອດປະຈຸບັນ, ຫວຽດນາມ ແມ່ນປະເທດທີ່ສາມາດຄວບຄຸມພະຍາດໂຄວິດ-19 ຢ່າງມີປະສິດທິຜົນ, ຮັບປະກັນຈຳກັດຄວາມເສຍຫາຍດ້ານສຸຂະພາບ, ເສດຖະກິດໃຫ້ແກ່ປະຊາຊົນຢ່າງໜ້ອຍສຸດ.

leftcenterrightdel
ພາບປະກອບຄັດຈາກ: dangcongsan.vn.

ເຖິງວ່າພະຍາດແຜ່ລະບາດຄັ້ງທີ 4 ກໍາລັງຜັນແປສັບສົນຫຼາຍຢ່າງຢູ່ຫວຽດນາມ ດ້ວຍໄວຣັດສາຍພັນໃໝ່ SARS-CoV-2 ເຮັດໃຫ້ພະຍາດແຜ່ລະບາດໄວກວ່າ, ອັດຕາຜູ້ຕິດພະຍາດສູງກວ່າກໍ່ຕາມ, ແຕ່ຫວຽດນາມ ຍັງແມ່ນໜຶ່ງໃນຈໍານວນໜ້ອຍປະເທດໄດ້ຮັບການຕີລາຄາວ່າຕ້ານພະຍາດໂຄວິດ-19 ສໍາເລັດຜົນດ້ວຍອັດຕາຜູ້ຕິດເຊື້ອ ແລະເສຍຊີວິດແມ່ນໜ້ອຍທີ່ສຸດຢູ່ໃນໂລກ.

ບົດຂຽນຢັ້ງຢືນວ່າ: “ຫວຽດນາມ ຍັງບໍ່ທັນແມ່ນປະເທດຮັ່ງມີ, ມີພື້ນຖານເສດຖະກິດເຂັ້ມແຂງ, ບໍ່ທັນແມ່ນປະເທດທີ່ມີວັດຖຸອຸປະກອນການແພດທັນສະໄໝ, ແຕ່ປະຈຸບັນ, ຫວຽດນາມ ໄດ້ ແລະກໍາລັງກາຍເປັນປະເທດພົ້ນເດັ່ນຢູ່ໂລກໃນການປ້ອງກັນ, ຕ້ານພະຍາດໂຄວິດ-19. ເມື່ອເວົ້າວ່າຫວຽດນາມ ຄວບຄຸມພະຍາດມີປະສິດທິຜົນແຖວໜ້າຢູ່ໂລກດ້ວຍອັດຕາຜູ້ຕິດເຊື້ອ ແລະເສຍຊີວິດຕໍ່າແມ່ນຍ້ອນ “ໂຊກດີ” ນັ້ນແມ່ນຂາດພາວະວິໄສ ແລະບໍ່ເຫັນກວ້າງມອງໄກ”.

ໂດຍ:​ ເກື່ອງດັ້ງ