leftcenterrightdel
ທ່ານປະທານປະເທດ ຫງວຽນຊວນຟຸກ ທີ່ກອງປະຊຸມສຸດຍອດກ່ຽວກັບດິນຟ້າອາກາດທີ່ຈັດຂຶ້ນທາງອອນລາຍໃນລະຫວ່າງວັນທີ 22-23 ເມສາ. ພາບ: ສໍານັກຂ່າວສານຫວຽດນາມ.

ໃນຈົດໝາຍ, ທ່ານປະທານາທິບໍດີ Biden ຢັ້ງຢືນວ່າ ຜົນສໍາເລັດຂອງກອງປະຊຸມສຸດຍອດໃນການໃຫ້ຄໍາໝັ້ນສັນຍາທົ່ວໂລກເພື່ອຍົກສູງເປົ້າໝາຍກ່ຽວກັບດິນຟ້າອາກາດ ແລະຍົກອອກກາລະໂອກາດທາງດ້ານເສດຖະກິດຕໍ່ກັບປະເທດທີ່ກໍາລັງມານະພະຍາຍາມແກ້ໄຂສິ່ງທ້າທາຍນີ້. ທ່ານ Biden ໄດ້ເນັ້ນໜັກເຖິງຄວາມຈໍາເປັນຂອງການເພີ່ມການໜູນຊ່ວຍດ້ານການເງິນ, ຊ່ວຍເຫຼືອບັນດາປະເທດມີຄວາມສ່ຽງສູງ, ພ້ອມທັງຢັ້ງຢືນການຕັດສິນໃຈກໍຄືຄວາມມານະພະຍາຍາມຂອງອາເມລິກາ ເພື່ອປະຕິບັດຄໍາໝັ້ນສັນຍາຂອງຕົນ.

ທ່ານປະທານາທິບໍດີ Biden ຕີລາຄາສູງຕໍ່ການປະກອບສ່ວນຂອງທ່ານປະທານປະເທດ ຫງວຽນຊວນຟຸກ ຕໍ່ກັບຜົນສໍາເລັດຂອງກອງປະຊຸມສຸດຍອດ, ພິເສດແມ່ນບົດກ່າວປາໄສຂອງທ່ານ ຫງວຽນຊວນ ຟຸກ ກ່ຽວກັບຜົນປະໂຫຍດດ້ານເສດຖະກິດຂອງການກະທໍາເພື່ອດິນຟ້າອາກາດ ແລະຄວາມສໍາຄັນຂອງການຮັບປະກັນໃຫ້ທຸກໆປະເທດມີການກະທໍາພ້ອມກັນ. ໃນໄລຍະຈະມາເຖິງ, ທ່ານປະທານາທິບໍດີ Biden ໃຫ້ຄໍາໝັ້ນສັນຍາວ່າຈະຮ່ວມມືຢ່າງແໜ້ນແຟ້ນກັບຫວຽດນາມ ແລະບັນດາປະເທດເພື່ອແນໃສ່ຮັບປະກັນຜົນສໍາເລັດຂອງກອງປະຊຸມກ່ຽວກັບການປ່ຽນແປງຂອງດິນຟ້າອາກາດຂອງ ສປຊ ທີ່ຈະຈັດຕັ້ງຢູ່ Glasgow (ອັງກິດ) ໃນທ້າຍປີນີ້; ທ່ານ ສະແດງຄວາມຫວັງວ່າ ຫວຽດນາມ ແລະອາເມລິກາ ຈະສືບຕໍ່ເພີ່ມທະວີການຮ່ວມມືເພື່ອຮັບມືກັບການປ່ຽນແປງຂອງດິນຟ້າອາກາດໃນໄລຍະຈະມາເຖິງ.

ໂດຍ: ໄຊຊະນະ