ສະຫຼຸບທີ່ການເຮັດວຽກ, ທ່ານນາຍົກລັດຖະມົນຕີ ຟ້າມມີງຈິ໊ງ ໄດ້ຕີລາຄາສູງ, ຮັບຮູ້ ແລະຍ້ອງຍໍຊົມເຊີຍຄວາມມານະພະຍາຍາມ ແລະຜົນງານສຳຄັນ ເຊິ່ງນະຄອນໂຮ່ຈີມິນ ບັນລຸໄດ້ໃນຊຸມປີຜ່ານມາ... ທ່ານນາຍົກລັດຖະມົນຕີ ກໍ່ຊີ້ແຈ້ງວ່າ ເຖິງວ່າຜົນງານຂອງນະຄອນບັນລຸໄດ້ໂດຍພື້ນຖານແລ້ວກໍ່ຕາມ, ແຕ່ກໍ່ຍັງບໍ່ທັນສົມກັບທີ່ຕັ້ງ, ບົດບາດ, ຄວາມສຳຄັນ ແລະທ່າໄດ້ປຽບຂອງນະຄອນເທື່ອ...

ທ່ານນາຍົກລັດຖະມົນຕີ ໄດ້ກໍານົດທິດກ່ຽວກັບມາດຕະການແກ້ໄຂຂໍ້ຕິດຂັດ, ຊຸກຍູ້ການພັດທະນາຕ້ອງປະຕິບັດຕາມທັດສະນະເສີມຂະຫຍາຍກຸ່ມກ້ອນສາມັກຄີ, ເປັນເອກະພາບດ້ວຍຈິດໃຈກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງ; ຫັນສິ່ງທີ່ບໍ່ເປັນໄປໄດ້ໃຫ້ເປັນໄປໄດ້, ຫັນຄວາມຫຍຸ້ງຍາກໃຫ້ເປັນເລື່ອງງ່າຍ, ຫັນສິ່ງທີ່ບໍ່ສາມາດໃຫ້ສາມາດເຮັດໄດ້…

leftcenterrightdel
ທ່ານນາຍົກລັດຖະມົນຕີ ຟ້າມມີງຈິ໊ງ ກ່າວຄຳເຫັນທີ່ການເຮັດວຽກ. ພາບ: ສໍານັກຂ່າວສານຫວຽດນາມ.

ທ່ານນາຍົກລັດຖະມົນຕີ ຮຽກຮ້ອງໃຫ້ນະຄອນໂຮ່ຈີມິນ ເສີມຂະຫຍາຍທ່າແຮງ, ໝາກຜົນ, ຜົນງານທີ່ບັນລຸໄດ້ ເພື່ອຜ່ານຜ່າຄວາມຫຍຸ້ງຍາກ, ສິ່ງທ້າທາຍດ້ວຍຄວາມໝັ້ນໃຈ, ຈັດຕັ້ງປະຕິບັດໜ້າທີ່ຕ່າງໆໃຫ້ເປັນຢ່າງດີ; ທ່ານ ຮຽກຮ້ອງໃຫ້ທຸກຂັ້ນ, ທຸກຂະແໜງການ, ທັງສູນກາງ ແລະທ້ອງຖິ່ນສືບຕໍ່ສົມທົບກັນ, ແກ້ໄຂຂໍ້ຕິດຂັດຕ່າງໆ ເພື່ອຊຸກຍູ້ການພັດທະນາ, ຖືຜົນປະໂຫຍດຂອງຊາດ, ຂອງພັກ ແລະຂອງປະຊາຊົນເປັນຫຼັກ; ພັດທະນານະຄອນໂຮ່ຈີມິນ ໃຫ້ສົມເປັນໃຈກາງດ້ານເສດຖະກິດ-ສັງຄົມຂອງເຂດຕາເວັນອອກພາກໃຕ້ ແລະທົ່ວປະເທດ, ນຳໜ້າໃນການປະຕິບັດເປົ້າໝາຍຄວບຄູ່ທັງພັດທະນາເສດຖະກິດ, ທັງປ້ອງກັນ, ຕ້ານພະຍາດຢ່າງມີປະສິດທິຜົນ.

ກ່ຽວກັບຂໍ້ສະເໜີ, ຄຳສະເໜີແນະຂອງນະຄອນໂຮ່ຈີມິນ, ທ່ານ ຟ້າມມີງຈິ໊ງ ຢືນຢັນວ່າ ລັດຖະບານໄດ້ຕົກລົງໂດຍພື້ນຖານກັບ 15 ຂໍ້ສະເໜີ ແລະຄຳສະເໜີແນະທີ່ຖືກຕ້ອງ, ເໝາະສົມຂອງນະຄອນ, ພ້ອມທັງສະເໜີເນື້ອໃນກ່ຽວກັບການກໍ່ສ້າງສູນການເງິນພາກພື້ນ ແລະສາກົນຕື່ມອີກ.

ໂດຍ: ທະນາພອນ