ທ່ານພົນໂທ ເຈິ່ນກວາງເຟືອງ ພົບປະກັບຜູ້ມີສິດເລືອກຕັ້ງເມືອງບາເຕີ (ແຂວງກວ໋າງຫງ໊າຍ)
ກປ.ອອນໄລ - ວັນທີ 5 ພຶດສະພາ, ຄະນະປະຈຳຄະນະກຳມະການແນວໂຮມປະເທດຊາດເມືອງບາເຕີ ໄດ້ສົມທົບກັບຄະນະກໍາມະການປະຊາຊົນເມືອງບາເຕີ (ກວ໋າງຫງ໊າຍ) ຈັດຕັ້ງກອງປະຊຸມພົບປະລະຫວ່າງຜູ້ມີສິດເລືອກຕັ້ງກັບຜູ້ສະໝັກເລືອກຕັ້ງສະມາຊິກສະພາແຫ່ງຊາດ ຊຸດທີ XV ແລະສະໝັກເລືອກຕັ້ງສະມາຊິກສະພາປະຊາຊົນແຂວງກວ໋າງຫງ໊າຍ ອາຍຸການ 2021-2026. ຄາດວ່າກອງປະຊຸມຈະດຳເນີນໃນ 2 ວັນ.
    |
 |
|
ທ່ານພົນໂທ ເຈິ່ນກວາງເຟືອງ ກ່າວຄຳເຫັນທີ່ການພົບປະ. ພາບ: qdnd.vn |
ກ່າວຄຳເຫັນທີ່ການພົບປະ, ທ່ານພົນໂທ ເຈິ່ນກວາງເຟືອງ, ກຳມະການສູນກາງພັກ, ຮອງຫົວໜ້າກົມໃຫຍ່ການເມືອງ ສະແດງຄວາມເປັນກຽດທີ່ໄດ້ຮັບການສະເໜີໃຫ້ອອກສະໝັກເລືອກຕັ້ງສະມາຊິກສະພາແຫ່ງຊາດຈາກສູນກາງ, ຜູ້ມີສິດເລືອກຕັ້ງຢູ່ບ່ອນເຮັດວຽກ ແລະຜູ້ມີສິດເລືອກຕັ້ງຢູ່ບ່ອນທີ່ຕົນເອງອາໄສຢູ່. ທ່ານພົນໂທ ເຈິ່ນກວາງເຟືອງ ຊີ້ແຈ້ງວ່າ ຍາມໃດກໍ່ຈົງຮັກພັກດີຕໍ່ປະເທດຊາດ, ຕໍ່ປະຊາຊົນ, ຕໍ່ລັດຖະທຳມະນູນຂອງ ສສ ຫວຽດນາມ; ຮັກສາຄຸນນະທາດຂອງທະຫານລຸງໂຮ່; ສືບຕໍ່ປະຕິບັດສຳເລັດໜ້າທີ່ຂອງຕົນໃນຖານະເປັນກຳມະການສູນກາງພັກ, ກໍາມະການຄະນະພັກການທະຫານສູນກາງ, ພ້ອມກັບຄະນະບໍລິຫານງານສູນກາງພັກ, ຄະນະພັກການທະຫານສູນກາງ ປະຕິບັດວຽກງານຢ່າງມີປະສິດທິຜົນຖືກຕາມຂໍ້ກໍານົດກົດລະບຽບຂອງພັກ...
|
|
 |
|
ບັນຍາກາດທີ່ການພົບປະ. ພາບ: qdnd.vn. |
ຫາກໄດ້ຮັບການເລືອກຕັ້ງເປັນສະມາຊິກສະພາແຫ່ງຊາດຊຸດທີ XV, ທ່ານພົນໂທ ເຈິ່ນກວາງເຟືອງ ໃຫ້ຄໍາໝັ້ນສັນຍາວ່າ ຈະພ້ອມກັບສະມາຊິກສະພາແຫ່ງຊາດຄົນອື່ນໆ ມານະພະຍາຍາມປະຕິບັດສຳເລັດໜ້າທີ່ທີ່ໄດ້ຮັບມອບໝາຍໃຫ້ເປັນຢ່າງດີ; ປະຕິບັດບັນດາໂຄງການເປົ້າໝາຍແຫ່ງຊາດກ່ຽວກັບການກໍ່ສ້າງຊົນນະບົດໃໝ່, ການຫຼຸດຜ່ອນຄວາມທຸກຍາກແບບຍືນຍົງ ແລະການພັດທະນາເສດຖະກິດ-ສັງຄົມຢູ່ເຂດຊົນເຜົ່າສ່ວນໜ້ອຍ ແລະເຂດພູດອຍໃນນັ້ນມີບັນດາເມືອງຂອງແຂວງກວ໋າງຫງ໊າຍ ຢ່າງມີປະສິດທິຜົນ; ສະຫງວນເວລາພົບປະ, ຮັບຟັງ ແລະຮັບເອົາຄໍາເຫັນປະກອບຂອງຜູ້ມີສິດເລືອກຕັ້ງ...
ໂດຍ: ທະນາພອນ