ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ ຕ້ອນຮັບບັນດາເອກອັກຄະລັດຖະທູດເຂົ້າຍື່ນສານຕາຕັ້ງ
ກປ.ອອນໄລ - ຕອນເຊົ້າວັນທີ 22 ມັງກອນ, ທີ່ສໍານັກງານປະທານປະເທດ, ທ່ານນາງ María del Pilar Méndez Jiménez, ເອກອັກຄະລັດຖະທູດວິສາມັນຜູ້ມີອໍານາດເຕັມ ແອັດສະປາຍ; ທ່ານ Ali Akbar Nazari, ເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງ ສ.ອີຣານ; ທ່ານ Meynardo Los Banos Montealegre, ເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງ ສ.ຟີລິບປິນ ໄດ້ເຂົ້າຍື່ນສານຕາຕັ້ງຕໍ່ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ ເນື່ອງໃນໂອກາດມາປະຕິບັດໜ້າທີ່ການທູດຢູ່ຫວຽດນາມ.
ພາຍຫຼັງພິທີຍື່ນສານຕາຕັ້ງ, ທ່ານ ຫງວຽນຝູຈ້ອງ ໄດ້ໃຫ້ການຕ້ອນຮັບບັນດາເອກອັກຄະລັດຖະທູດ. ທ່ານ ຫງວຽນຝູຈ້ອງ ສະແດງຄວາມເຊື່ອໝັ້ນວ່າ ໃນອາຍຸການນີ້, ດ້ວຍຄວາມຮັບຜິດຊອບຕໍ່ວຽກງານ ແລະຄວາມຮັກຕໍ່ຫວຽດນາມ, ບັນດາເອກອັກຄະລັດຖະທູດຈະປະຕິບັດສໍາເລັດພາລະບົດບາດທີ່ໄດ້ມອບໝາຍ, ສືບຕໍ່ຊຸກຍູ້, ປັບປຸງສາຍພົວພັນມິດຕະພາບອັນດີງາມລະຫວ່າງຫວຽດນາມ ກັບບັນດາປະເທດໃຫ້ຫຼາຍກວ່າອີກ.
    |
 |
|
ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ ກັບບັນດາເອກອັກຄະລັດຖະທູດ. ພາບ: ສໍານັກຂ່າວສານຫວຽດນາມ. |
ເມື່ອໃຫ້ຂ່າວກ່ຽວກັບກອງປະຊຸມໃຫຍ່ຜູ້ແທນທ່ົວປະເທດ ຄັ້ງທີ XIII ຂອງພັກກອມມູນິດຫວຽດນາມ ທີ່ໃກ້ຈະດໍາເນີນ, ທ່ານ ຫງວຽນຝູຈ້ອງ ເນັ້ນໜັກເຖິງບົດບາດເປັນຂົວເຊື່ອມຕໍ່ຢ່າງມີປະສິດທິຜົນຂອງເອກອັກຄະລັດຖະທູດແຕ່ລະທ່ານ ໃນສາຍພົວພັນລະຫວ່າງຫວຽດນາມ ກັບບັນດາປະເທດ, ເພີ່ມທະວີການຮ່ວມມື, ໜູນຊ່ວຍອັນລໍ້າຄ່າຈາກເພື່ອນມິດ, ຄູ່ຮ່ວມມື ແລະປະຊາຄົມສາກົນຕໍ່ກັບຫວຽດນາມ ໃນວິວັດການປະຕິບັດເປົ້າໝາຍຍຸດທະສາດຂອງໄລຍະພັດທະນາໃໝ່.
ໂດຍ: ທູຈາງ