ປັບປຸງ, ພັດທະນາການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ-ຈີນ
ກປ.ອອນໄລ - ເນື່ອງໃນໂອກາດສະເຫຼີມສະຫຼອງ 71 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ-ຈີນ (18/01/1950/ 18/01/2021), ດ້ວຍຫຼາຍຮູບການບັນທຶກພາບ, ຜ່ານສະຖານທູດຈີນ ປະຈຳ ຫວຽດນາມ, ທ່ານ ຫງວຽນຊວນເກື່ອງ, ລັດຖະມົນຕີກະຊວງກະຊວງກະສິກຳ ແລະພັດທະນາຊົນນະບົດຫວຽດນາມ ໄດ້ກ່າວຄຳເຫັນຊົມເຊີຍ. ທ່ານ ຫງວຽນຊວນເກື່ອງ ຢັ້ງຢືນວ່າ ການພົວພັນຖານບ້ານໃກ້ເຮືອນຄຽງມິດຕະພາບ “ທັງແມ່ນສະຫາຍ, ທັງແມ່ນອ້າຍນ້ອງ” ໂດຍປະທານ ໂຮ່ຈິມິນ ແລະປະທານ ມາວເຈີຕົງ ພ້ອມກັບການນຳອາວຸໂສຮຸ້ນຕ່າງໆຂອງສອງປະເທດໄດ້ເພີ່ມພູນຄູນສ້າງກາຍເປັນຊັບສົມບັດອັນລ້ຳຄ່າຂອງສອງພັກ, ສອງລັດ ແລະປະຊາຊົນສອງປະເທດ; ສອງຝ່າຍມີຄວາມຮັບຜິດຊອບຮັກສາ, ສືບທອດ ແລະເສີມຂະຫຍາຍ.
ທ່ານ ຫງວຽນຊວນເກື່ອງ ໃຫ້ຮູ້ວ່າ ໃນໄລຍະຜ່ານມາ, ເຖິງວ່າຖືກຜົນກະທົບຈາກພະຍາດໂຄວິດ-19 ກໍ່ຕາມ ແຕ່ການພົວພັນຫວຽດນາມ-ຈີນ ສືບຕໍ່ຮັກສາທ່າອ່ຽງພັດທະນາ. ປີ 2021 ແມ່ນປີມີຄວາມໝາຍສຳຄັນສຳລັບສອງປະເທດເມື່ອຫວຽດນາມ ຈະຜັນຂະຫຍາຍການປະຕິບັດບັນດາໜ້າທີ່, ເປົ້າໝາຍຂອງກອງປະຊຸມໃຫຍ່ ຄັ້ງທີ XIII ຂອງພັກວາງອອກ; ຈີນ ສໍາເລັດ “ເປົ້າໝາຍ 100 ປີ ຄັ້ງທີໜຶ່ງ” ແລະກະກຽມໃຫ້ການຈັດຕັ້ງກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XX ຂອງພັກກອມມູນິດຈີນ.
|
|
ທ່ານ ຫງວຽນຊວນເກື່ອງ, ລັດຖະມົນຕີກະຊວງກະຊວງກະສິກຳ ແລະພັດທະນາຊົນນະບົດຫວຽດນາມ. ພາບ: ສຳນັກຂ່າວສານຫວຽດນາມ. |
ທ່ານ ຫງວຽນຊວນເກື່ອງ ຢັ້ງຢືນວ່າ ພັກ, ລັດ ແລະປະຊາຊົນຫວຽດນາມ ປາດຖະໜາຢາກພ້ອມກັບ ຈີນ ປະຕິບັດຄວາມຮັບຮູ້ລວມຂອງການນຳຂັ້ນສູງເປັນຢ່າງດີ, ສືບຕໍ່ປັບປຸງຄວາມໄວ້ເນື້ອເຊື່ອໃຈດ້ານການເມືອງ, ເປີດກວ້າງ ແລະຍົກສູງປະສິດທິຜົນການຮ່ວມມືໃນບັນດາຂົງເຂດ, ຄວບຄຸມຄວາມບໍ່ລົງລອຍກັນບົນພື້ນຖານເຄົາລົບຜົນປະໂຫຍດອັນສອບທຳຂອງກັນເໝາະສົມກັບກົດໝາຍສາກົນ; ເຊື່ອໝັ້ນວ່າ ໃນໄລຍະຈະມາເຖິງດ້ວຍຄວາມມານະພະຍາຍາມລວມຂອງສອງຝ່າຍ, ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງພັກ, ສອງລັດ ແລະປະຊາຊົນສອງປະເທດຈະໄດ້ຮັບການປັບປຸງ, ພັດທະນາຢ່າງບໍ່ຢຸດຢັ້ງ ແລະເຂົ້າສູ່ລວງເລິກ.
ໃນບົດກ່າວຄຳເຫັນທີ່ໄດ້ຖ່າຍວິດີໂອ, ທ່ານ ຊຽງບໍ ເອກອັກຄະລັດຖະທູດຈີນ ປະຈຳ ຫວຽດນາມ ຕີລາຄາສູງບັນດາຜົນສຳເລັດຂອງການພົວພັນສອງປະເທດໃນໄລຍະ 71 ປີ ຜ່ານມາ; ເນັ້ນໜັກວ່າ ປີ 2021 ແມ່ນປີທີ່ມີຄວາມໝາຍສໍາຄັນສໍາລັບສອງປະເທດ, ເພາະສະນັ້ນ, ຈີນ ແລະຫວຽດນາມ ຕ້ອງເພີ່ມທະວີຄວາມສາມັກຄີ, ແບ່ງປັນກາລະໂອກາດ, ພ້ອມກັນປະເຊີນໜ້າກັບບັນດາສິ່ງທ້າທາຍ, ຮ່ວມກັນພັດທະນາ. ທ່ານ ຊຽງບໍ ຢັ້ງຢືນວ່າ ຈີນ ພ້ອມແລ້ວກັບຫວຽດນາມ ປັບປຸງຄວາມໄວ້ເນື້ອເຊື່ອໃຈດ້ານການເມືອງ, ກຳແໜ້ນທິດທາງພັດທະນາຂອງການພົວພັນສອງພັກ, ສອງລັດ, ຮັກສາການແລກປ່ຽນຂັ້ນສູງ, ເປີດສະຖານະການໃໝ່ ແລະດຳເນີນບັນດາບາດກ້າວສະດວກໃຫ້ການພົວພັນຈີນ-ຫວຽດນາມ ໃນໄລຍະໃໝ່.
ໂດຍ: ແສງເດືອນ