ຊຸກຍູ້ກາລະໂອກາດຮ່ວມມືລົງທຶນ, ເຊື່ືອມຈອດການຄ້າຫວຽດນາມ-ສ.ເກົາຫຼີ
ກປ.ອອນໄລ - ວັນທີ 16 ມັງກອນ, ພິທີລົງນາມຂໍ້ຕົກລົງຮ່ວມມືຮອບດ້ານກ່ຽວກັບການສົມທົບກັນໂຄສະນາ, ດຶງດູດ, ສົ່ງເສີມການລົງທຶນ, ການຮ່ວມມືດໍາເນີນທຸລະກິດ ແລະແຮກສ່ຽວທ້ອງຖິ່ນໄດ້ດໍາເນີນທີ່ນະຄອນກວີເຍີນ, ແຂວງບິ່ງດິ້ງ.
ເພື່ືອຫັນການເຊື່ອມຈອດມີຄວາມໝາຍລະຫວ່າງຫວຽດນາມ ແລະສ. ເກົາຫຼີ ໃຫ້ປະກົດຜົນເປັນຈິງ, ມຸ່ງໄປເຖິງບັນລຸປະສິດທິຜົນສູງສຸດ, ສະມາຄົມວິສາຫະກິດ ແລະລົງທຶນຫວຽດນາມ-ສ.ເກົາຫຼີ (VKBIA), ບໍລິສັດຫູ້ນສ່ວນກຸ່ມບໍລິສັດ VKBIA ແລະ Yongsan (ເຊີອູນ-ສ.ເກົາຫຼີ) ໄດ້ລົງນາມຂໍ້ຕົກລົງຮ່ວມມືຮອບດ້ານກ່ຽວກັບການສົມທົບກັນໂຄສະນາ, ດຶງດູດສົ່ງເສີມການລົງທຶນ, ຮ່ວມມືດໍາເນີນທຸລະກິດ ແລະແຮກສ່ຽວທ້ອງຖິ່ນດ້ວຍຫຼາຍເນື້ອໃນ ແລະໂຄງການຮ່ວມມືລະອຽດ. ບັນດາຝ່າຍໄດ້ເຫັນດີເປັນເອກະພາບກໍານົດທິດຮ່ວມມືດໍາເນີນທຸລະກິດບົນພື້ນຖານຂຸດຄົ້ນທ່າແຮງຂອງບັນດາຝ່າຍເພື່ອຊຸກຍູ້ກາລະໂອກາດຮ່ວມມືລົງທຶນ, ເຊື່ອມຈອດດ້ານການຄ້າ ຫວຽດນາມ-ສ.ເກົາຫຼີ, ຮ່ວມກັນພັດທະນາດໍາເນີນທຸລະກິດຢູ່ຕະຫຼາດຫວຽດນາມ ແລະສ.ເກົາຫຼີ, ຮ່ວມຊອກຫາບັນດາກາລະໂອກາດພັດທະນາຢູ່ຕະຫຼາດອື່ນໃນໂລກ.
|
|
ພີທີລົງນາມຂໍ້ຕົກລົງລະຫວ່າງຫວຽດນາມ ແລະສ.ເກົາຫຼີ. ພາບ: vov.vn. |
ເພື່ອບໍາລຸງສ້າງ ແລະກໍ່ສ້າງຊັບພະຍາກອນມະນຸດທີ່ມີຄຸນນະພາບສູງ, ເນື່ອງໃນໂອກາດນີ້, VKBIA, ບໍລິສັດຫູ້ນສ່ວນກຸ່ມບໍລິສັດ VKBIA ໄດ້ລົງນາມໃນບົດບັນທຶກຂໍ້ຕົກລົງຮ່ວມມືໃນຂົງເຂດບໍາລຸງສ້າງວິຊາຊີບ ແລະວຽກເຮັດງານທໍາກັບວິທະຍາໄລເຕັກນິກເຕັກໂນໂລຢີບິ່ງດິ້ງ ແລະວິທະຍາໄລບິ່ງດ້ິງ ເພື່ອບໍາລຸງສ້າງຊັບພະຍາກອນມະນຸດທີ່ມີລະດັບຄວາມຮູ້, ມີສີມືແຮງງານ ແລະມີຄວາມເຂົ້າໃຈກ່ຽວກັບວັດທະນະທໍາ, ພາສາ... ທີ່ເຂດແຄມທະເລພາກກາງ, ສະໜອງຊັບພະຍາກອນມະນຸດທີ່ເຮັດວຽກຢູ່ບັນດາວິສາຫະກິດ FDI, ວິສາຫະກິດອຸດສາຫະກໍາສໍາຮອງ, ວິສາຫະກິດຜະລິດ ແລະບັນດາຂົງເຂດເຊິ່ງສັງຄົມມີຄວາມຕ້ອງການ.
ໂດຍ: ເກື່ອງດັ້ງ