ການເຄື່ອນໄຫວນິຕິບັນຍັດ ນັບມື້ນັບມີເນື້ອແທ້, ຄຸນນະພາບກໍ່ໄດ້ຮັບການຍົກສູງຂຶ້ນ
ກປ.ອອນໄລ - ວັນທີ 4 ມັງກອນ, ທີ່ນະຄອນເກີນເທີ, ທ່ານນາງ ຫງວຽນທິກິມເງິນ ປະທານສະພາແຫ່ງຊາດຫວຽດນາມ ໄດ້ເຂົ້າຮ່ວມການພົບປະສັງສັນສະເຫຼີມສະຫຼອງວັນເລື້ອກຕັ້ງສະພາແຫ່ງຊາດທົ່ວປະເທດຊຸດທໍາອິດຂອງຫວຽດນາມ ຄົບຮອບ 75 ປີ (6-1-1946 / 6-1-2021) ແລະສະຫຼຸບການເຄື່ອນໄຫວຂອງຄະນະສະມາຊິກສະພາແຫ່ງຊາດນະຄອນເກີນເທີ ຊຸດທີ XIV, ອາຍຸການ 2016-2021.
ກ່າວຄໍາເຫັນທີ່ການພົບປະສັງສັນ, ທ່ານນາງ ຫງວຽນທິກິມເງິນ ຕີລາຄາສູງໝາກຜົນການເຄື່ອນໄຫວຂອງຄະນະສະມາຊິກສະພາແຫ່ງຊາດນະຄອນເກີນເທີ ຊຸດທີ XIV.
ທ່ານນາງ ຫງວຽນທິກິມເງິນ ຢັ້ງຢືນວ່າ ການພັດທະນາຂອງສະພາແຫ່ງຊາດຫວຽດນາມ ແມ່ນຂະບວນການສືບທອດຢ່າງຕໍ່ເນື່ອງ, ປ່ຽນແປງໃໝ່ ແລະປັບປຸງການຈັດຕັ້ງ ແລະການເຄື່ອນໄຫວຢ່າງບໍ່ຢຸດຢັ້ງ, ຕອບສະໜອງຄວາມຮຽກຮ້ອງຕ້ອງການໜ້າທີ່ຂອງແຕ່ລະໄລຍະການປະຕິວັດ. ການເຄື່ອນໄຫວນິຕິບັນຍັດ ນັບມື້ນັບມີເນື້ອແທ້ດ້ວຍຄຸນນະພາບນັບມື້ນັບໄດ້ຮັບການຍົກສູງຂຶ້ນ, ແກ້ໄຂຫຼາຍບັນຫາໃນຊີວິດສັງຄົມດ້ວຍບັນດາກົດໝາຍໃຫຍ່, ມີຄວາມໝາຍສໍາຄັນ. ສະພາແຫ່ງຊາດ ກໍ່ມີການປ່ຽນແປງໃໝ່ຫຼາຍຢ່າງໃນການເຄື່ອນໄຫວຊັກຖາມ, ຮັບປະກັນຄຸນນະພາບ, ປະສິດທິຜົນ, ຕອບສະໜອງຄວາມຮຽກຮ້ອງຕ້ອງການຂອງໜ້າທີ່ພັດທະນາປະເທດຊາດ.
|
|
ທ່ານນາງ ຫງວຽນທິກິມເງິນ ຖ່າຍຮູບເປັນທີ່ລະນຶກກັບບັນດາສະມາຊິກສະພາແຫ່ງຊາດ. ພາບ: ສໍານັກຂ່າວສານຫວຽດນາມ. |
ໄລຍະແຕ່ນີ້ຮອດທ້າຍອາຍຸການຂອງສະພາແຫ່ງຊາດຊຸດທີ XIV ແມ່ນບໍ່ຫຼາຍ, ທ່ານນາງ ຫງວຽນທິກິມເງິນ ໃສ່ໃຈວ່າ ຄະນະສະມາຊິກສະພາແຫ່ງຊາດນະຄອນເກີນເທີ ຕ້ອງເສີມຂະຫຍາຍບັນດາຜົນງານທີ່ບັນລຸໄດ້, ສືບຕໍ່ປ່ຽນແປງໃໝ່ການເຄື່ອນໄຫວ; ສືບຕໍ່ປະກອບສ່ວນຢ່າງມີປະສິດທິຜົນໃຫ້ບັນດາການເຄື່ອນໄຫວຂອງສະພາແຫ່ງຊາດຊຸດທີ XIV; ເປັນເຈົ້າການສົມທົບກັບບັນດາຂະແໜງການ, ທຸກຂັ້ນກະກຽມທຸກດ້ານຢ່າງຮອບຄອບຖີ່ຖ້ວນ, ຈັດການເລືອກຕັ້ງສະມາຊິກສະພາແຫ່ງຊາດ ຊຸດທີ XV ແລະສະມາຊິກສະພາປະຊາຊົນທຸກຂັ້ນອາຍຸການ 2021-2026 ໃຫ້ປະສົບຜົນສໍາເລັດຢ່າງຈົບງາມ...
ໂດຍ: ທະນາພອນ