ທ່ານເອກອັກຄະລັດຖະທູດ ອົດສະຕາລີ ຕີລາຄາ “ຜົນງານພິເສດ” ຂອງຫວຽດນາມ
ກປ.ອອນໄລ - ຫວ່າງແລ້ວນີ້, ທ່ານ Will Nankervis ເອກອັກຄະລັດຖະທູດ ອົດສະຕາລີ ປະຈໍາ ອາຊຽນ, ໄດ້ໃຫ້ສໍາພາດຕໍ່ນັກຂ່າວປະຈໍາຈາກາຕາ, ອິນໂດເນເຊຍ ໂດຍເນັ້ນໜັກວ່າ ກອງປະຊຸມສຸດຍອດອາຊຽນ ຄັ້ງທີ 37 ແລະບັນດາກອງປະຊຸມສຸດຍອດທີ່ກ່ຽວຂ້ອງອື່ນ ໂດຍ ຫວຽດນາມ ເປັນເຈົ້າພາບຈັດຕັ້ງ (ແຕ່ວັນທີ 12-15 ພະຈິກ 2020) ແມ່ນ “ຜົນງານພິເສດ” ໃນສະພາບເກີດໂລກລະບາດໂຄວິດ-19.
    |
 |
|
ທ່ານນາຍົກລັດຖະມົນຕີ ຫງວຽນຊວນຟຸກ, ປະທານອາຊຽນ 2020 ພ້ອມກັບການນໍາຂັ້ນສູງເປັນສັກຂີພິຍານພິທີລົງນາມສັນຍາຄູ່ຮ່ວມມືເສດຖະກິດຮອບດ້ານພາກພື້ນ RCEP, ໃນວັນທີ 15 ພະຈິກ 2020. ພາບ: ສໍານັກຂ່າວສານຫວຽດນາມ |
ເມື່ອຕີລາຄາບົດບາດຂອງຫວຽດນາມ ໃນປີເປັນປະທານອາຊຽນ 2020, ທ່ານເອກອັກຄະລັດຖະທູດ Will Nankervis ຢັ້ງຢືນວ່າ ຫວຽດນາມ ຮັກສາໄດ້ກໍາລັງໜູນຂອງວິໄສທັດມະຫາສະໝຸດອິນເດຍ-ປາຊີຟິກ, ໃນນັ້ນໄດ້ຕັ້ງອາຊຽນໄວ້ຢູ່ຈຸດໃຈກາງ.
ຕີລາຄາກ່ຽວກັບຄວາມໝາຍຂອງການລົງນາມສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP), ທ່ານເອກອັກຄະລັດຖະທູດ Will Nankervis ຖືວ່າ ນີ້ແມ່ນຂໍ້ຕົກລົງສໍາຄັນ, ຈະສ້າງບັນດາກາລະໂອກາດອັນໃຫຍ່ຫຼວງໃຫ້ແກ່ວິສາຫະກິດດ້ວຍວິທີຫັນການຄ້າຂາຍສິນຄ້າ, ການບໍລິການ ແລະການລົງທຶນເປັນເສລີ, ກໍຄືສ້າງຕັ້ງບັນດາກົດຂໍ້ບັງຄັບທີ່ມີຄວາມແນ່ນອນກວ່າ ແລະປະຕິຮູບສະພາບແວດລ້ອມແຫ່ງການດໍາເນີນທຸລະກິດໃນພາກພື້ນ.
ໂດຍ: ໄຊຊະນະ