ນາຍົກລັດຖະມົນຕີ ເຂົ້າຮ່ວມວັນບຸນມະຫາສາມັກຄີທົ່ວປວງຊົນທັງຊາດຢູ່ແຂວງຫາຍເຢືອງ
ກປ.ອອນໄລ - ວັນທີ 18 ພະຈິກ, ເນື່ອງໃນໂອກາດສະເຫຼີມສະຫຼອງ 90 ປີແຫ່ງວັນມູນເຊື້ອແນວໂຮມປະເທດຊາດຫວຽດນາມ (18-11-1930 / 18-11-2020), ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ໄດ້ເຂົ້າຮ່ວມວັນບຸນມະຫາສາມັກຄີທົ່ວປວງຊົນທັງຊາດ ແລະຮ່ວມເບີກບານມວ່ນຊື່ນພ້ອມກັບພໍ່ແມ່ປະຊາຊົນຢູ່ບ້ານຝູ່ຫຼ໊ຽນ, ຕາແສງຮົ່ງຟອງ, ເມືອງນາມແຊັກ, ແຂວງຫາຍເຢືອງ.
ກ່າວຄໍາເຫັນທີ່ວັນບຸນ, ທ່ານນາຍົກລັດຖະມົນຕີ ຫງວຽນຊວນຟຸກ ສະແດງຄວາມປິຕິຊົມຊື່ນຕໍ່ບັນດາການຫັນປ່ຽນທີ່ຕັ້ງໜ້າຂອງບ້ານຝູ່ຫຼ໊ຽນ, ຂອງຕາແສງຮົ່ງຟອງ ແລະຂອງແຂວງຫາຍເຢືອງ. ທ່ານ ຫງວຽນຊວນຟຸກ ຕີລາຄາວ່ານີ້ແມ່ນໝາກຜົນຂອງການຊີ້ນໍາ, ນໍາພາຢ່າງຂ້ຽວຂາດຂອງຄະນະພັກ, ອໍານາດການປົກຄອງ ແລະການເຂົ້າຮ່ວມຂອງແນວໂຮມປະເທດຊາດທຸກຂັ້ນໃນການລະດົມ, ເສີມຂະຫຍາຍກໍາລັງແຮງສາມັກຄີ, ຄວາມເຫັນດີເປັນເອກະພາບໃນທ່ົວພັກ, ທ່ົວປວງຊົນ.
|
|
ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ພ້ອມກັບພໍ່ແມ່ປະຊາຊົນເຂົ້າຮ່ວມວັນບຸນມະຫາສາມັກຄີທົ່ວປວງຊົນທັງຊາດ. ພາບ: ສໍານັກຂ່າວສານຫວຽດນາມ. |
ທ່ານ ຫງວຽນຊວນຟຸກ ເນັ້ນໜັກວ່າ ວຽກງານແນວໂຮມຕ້ອງຫຼີກພະຍາດເປັນພຽງຮູບການພາຍນອກ, ຫ່າງເຫີນປະຊາຊົນ, ຫ່າງເຫີນຮາກຖານ, ເພື່ອໃຫ້ແນວໂຮມເປັນຂົວເຊື່ອມຕໍ່, ໂຄສະນາຈຸດປະສົງຂອງພັກ, ຈິດໃຈປະຊາຊົນ. ແນວໂຮມຕ້ອງເສີມຂະຫຍາຍປະຊາທິປະໄຕຢູ່ຂັ້ນຮາກຖານບົນຈິດໃຈ “ປະຊາຊົນຮູ້ຈັກ, ປະຊາຊົນປຶກສາຫາລື, ປະຊາຊົນປະຕິບັດ ແລະປະຊາຊົນກວດກາ” ເພື່ອເຕົ້າໂຮມກໍາລັງແຮງສາມັກຄີທົ່ວປວງຊົນ, ຮ່ວມແຮງຮ່ວມໃຈປະຕິບັດບັນດາແນວທາງ, ແຜນນະໂຍຍາຍຂອງພັກ, ນະໂຍບາຍຂອງລັດໃຫ້ປະສົບຜົນສໍາເລັດ. ປະຊາຊົນໃນແຂວງຄວນເສີມຂະຫຍາຍຄວາມຮັກແພງຊ່ວຍເຫຼືອກັນ, ມູນເຊື້ອສາມັກຄີ, ຮ່ວມທຸກຮ່ວມສຸກຮ່ວມເປັນຮ່ວມຕາຍນໍາກັນ ແລະຕ້ອງມີຄວາມມຸ່ງມາດປາດຖະໜາບືນຕົວຂຶ້ນໃນການດໍາລົງຊີວິດກວ່າອີກ.
ໂດຍ: ທູຈາງ