ຜູ້ຕາງໜ້າຂອງ 15 ອົງການ ສປຊ ປະຈຳ ຫວຽດນາມ ມາຢ້ຽມຢາມ ແລະເຮັດວຽກຢູ່ VOV
ກປ.ອອນໄລ - ວັນທີ 27 ຕຸລາ, ເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນສ້າງຕັ້ງສະຫະປະຊາຊາດ (ສປຊ) (24-10-1945 / 24-10-2020) ແລະສະເຫຼີມສະຫຼອງ 75 ປີແຫ່ງວັນສ້າງຕັ້ງວິທະຍຸກະຈາຍສຽງຫວຽດນາມ (VOV), ຜູ້ຕາງໜ້າຂອງ 15 ອົງການ ສປຊ ປະຈຳ ຫວຽດນາມ ໄດ້ມາຢ້ຽມຢາມ ແລະເຮັດວຽກທີ່ສຳນັກງານ VOV ຢູ່ຮ່າໂນ້ຍ.
    |
 |
|
ທ່ານ ຫງວຽນເທ໊ກີ໋ ຜູ້ອຳນວຍການໃຫຍ່ VOV ກ່າວຄໍາເຫັນທີ່ການເຮັດວຽກ. ພາບ: qdnd.vn. |
ກ່າວຄຳເຫັນທີ່ການເຮັດວຽກ, ທ່ານ ຮສຈ, ປອ ຫງວຽນເທ໊ກີ໋, ກຳມະການສູນກາງພັກ, ຜູ້ອຳນວຍການໃຫຍ່ VOV ເນ້ັນໜັກວ່າ ດ້ວຍຖານະບົດບາດແມ່ນອົງການສ່ືມວນຊົນແຫ່ງຊາດ, VOV ຈະສວມບົດບາດນໍາໜ້າໜູນຊ່ວຍບັນດາອົງການຂອງ ສປຊ ເຄື່ອນໄຫວຢູ່ຫວຽດນາມ ຢ່າງມີປະສິດທິຜົນກວ່າອີກ, ພ້ອມກັນນັ້ນ VOV ຈະປະກອບສ່ວນຍົກສູງຄວາມຮູ້ຂອງປະຊາຊົນກ່ຽວກັບການເຄື່ອນໄຫວ ແລະບັນດາຄຸນຄ່າທົ່ວໂລກຂອງ ສປຊ; ດຶງດູດຄວາມສົນໃຈຂອງມະຫາຊົນທີ່ມີຕໍ່ບັນດາການເຄື່ອນໄຫວຂອງ ສປຊ ຢູ່ຫວຽດນາມ.
|
|
 |
|
ບັນຍາກາດທີ່ການເຮັດວຽກ. ພາບ: qdnd.vn. |
ທີ່ການເຮັດວຽກ, ການນຳ VOV ແລະຜູ້ຕາງໜ້າບັນດາອົງການຂອງ ສປຊ ປະຈຳ ຫວຽດນາມ ພ້ອມກັນປຶກສາຫາລືກ່ຽວກັບບັນດາລາຍການເຄື່ອນໄຫວ, ເປົ້າໝາຍຈຸດສຸມຂອງ ສປຊ ຢູ່ບັນດາແຂວງ, ນະຄອນຂອງຫວຽດນາມ, ລວມມີການໜູນຊ່ວຍປະຊາຊົນພາກກາງເພື່ອແກ້ໄຂຜົນຮ້າຍຢ້ອນຫຼັງຢ່າງໜັກໜ່ວງຈາກໄພທຳມະຊາດ. ສອງຝ່າຍກໍ່ແລກປ່ຽນບັນດາມາດຕະການສົມທົບກັນໂຄສະນາກ່ຽວກັບການເຄື່ອນໄຫວຂອງບັນດາອົງການຂອງ ສປຊ ປະຈຳ ຫວຽດນາມ ເພື່ອສ້າງກຳລັງແຜ່ຂະຫຍາຍຢ່າງທ່ົວເຖິງ.
ໂດຍ: ແສງເດືອນ