ຫວຽດນາມ ພ້ອມແລ້ວທີ່ຈະສ້າງສະພາບແວດລ້ອມສະດວກໃຫ້ແກ່ການເຈລະຈາ ແລະການຮ່ວມມືຢູ່ອ່າວເປີເຊຍ
ກປ.ອອນໄລ - ໂດຍໄດ້ຮັບຄໍາເຊີນຂອງທ່ານ Sergei Lavrov ລັດຖະມົນຕີການຕ່າງປະເທດລັດເຊຍ ແລະໄດ້ຮັບການມອບສິດຈາກທ່ານ ຟ້າມບິ່ງມິງ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ, ວັນທີ 20 ຕຸລາ, ທ່ານ ດັ້ງມິງຄອຍ ຮອງລັດຖະມົນຕີກະຊວງການຕ່າງປະເທດຫວຽດນາມ ໄດ້ເຂົ້າຮ່ວມວາລະປຶກສາຫາລືທາງໄກຂອງສະພາຄວາມໝັ້ນຄົງສະຫະປະຊາຊາດ (ສປຊ) ດ້ວຍຫົວຂໍ້ “ຕີລາຄາສັງລວມສະພາບການພາກພື້ນອ່າວເປີເຊຍ”.
ວາລະປະຊຸມໂດຍທ່ານລັດຖະມົນຕີການຕ່າງປະເທດລັດເຊຍ (ປະເທດປະທານສະພາຄວາມໝັ້ນຄົງ ສປຊ ເດືອນຕຸລາ 2020) ເປັນປະທານພ້ອມກັບການເຂົ້າຮ່ວມ ແລະກ່າວຄໍາເຫັນຂອງລັດຖະມົນຕີການຕ່າງປະເທດຈີນ, ນີເຊ, ອາຟະລິກາໃຕ້, ອີຣານ ແລະຜູ້ຕາງໜ້າບັນດາປະເທດສະມາຊິກ ສປຊ.
|
|
ທ່ານ ດັ້ງມິງຄອຍ ຮອງລັດຖະມົນຕີກະຊວງການຕ່າງປະເທດຫວຽດນາມ. ພາບ: ສໍານັກຂ່າວສານຫວຽດນາມ. |
ກ່າວຄໍາເຫັນທີ່ວາລະກອງປະຊຸມ, ທ່ານ ດັ້ງມິງຄອຍ ໄດ້ໃຫ້ຂໍ້ສັງເກດວ່າ ບັນດາຄວາມຂາດສະຖຽນລະພາບຫວ່າງແລ້ວນີ້ຢູ່ອ່າວເປີເຊຍ ຖ້າບໍ່ໄດ້ແກ້ໄຂ, ຄວບຄຸມໄດ້ເປັນຢ່າງດີຈະເກີດຜົນຮ້າຍສະຫຼັບກັບບັນດາການປະທະກັນ, ວິກິດການດ້ານມະນຸດສະທໍາອື່ນຢູ່ພາກພື້ນຍາກທີ່ຈະຄາດຄະເນລ່ວງໜ້າ, ຄື: ຊີຣີ, ເຢແມນ, ລີບີ, ປາແລັດສະຕິນ ແລະລີບັງ. ທ່ານ ດັ້ງມິງຄອຍ ຢັ້ງຢືນວ່າ ຫວຽດນາມ ຍາມໃດກໍ່ມີການພົວພັນທີ່ເປັນມິດ, ການຮ່ວມມືກັບທຸກໆປະເທດຢູ່ອ່າວເປີເຊຍ ແລະຕາເວັນອອກກາງ, ໃຫ້ຄຳໝັ້ນສັນຍາພ້ອມແລ້ວທີ່ຈະມີການປະກອບສ່ວນທີ່ມີຄວາມໝາຍເພື່ອສ້າງສະພາບແວດລ້ອມສະດວກໃຫ້ແກ່ການເຈລະຈາ ແລະການຮ່ວມມືເພື່ອສັນຕິພາບ, ສະຖຽນລະພາບ ແລະວັດທະນາຖາວອນຢູ່ພາກພື້ນນີ້.
ໂດຍ: ເຈິ່ນຮວ່ຽນ