ທ່ານນາຍົກລັດຖະມົນຕີ ຫງວຽນຊວນຟຸກ ຖະຫວາຍທູບທຽນໄວ້ອາໄລປະທານໂຮ່ຈີມິນ
ກປ.ອອນໄລ - ເນື່ອງໃນໂອກາດສະເຫຼີມສະຫຼອງການປະຕິວັດເດືອນສິງຫາ ແລະວັນຊາດແຫ່ງ ສສ ຫວຽດນາມ ຄົບຮອບ 75 ປີ ແລະ 51 ປີແຫ່ງວັນປະທານໂຮ່ຈີມິນເຖິງແກ່ມໍລະນະກຳ, ວັນທີ 7 ກັນຍາ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ໄປຖະຫວາຍທູບທຽນໄວ້ອາໄລປະທານໂຮ່ຈີມິນ ຢູ່ເຮືອນເລກທີ 67 ໃນເຂດປູຊະນີຍະສະຖານປະທານໂຮ່ຈີມິນ ທີ່ສໍານັກງານປະທານປະເທດ.
ໃນບັນຍາກາດທີ່ເຄັ່ງຂຶມ ແລະຕື້ນຕັນໃຈ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ສະແດງຄວາມເຄົາລົບນັບຖື ແລະຄວາມຮູ້ບຸນຄຸນຕໍ່ປະທານໂຮ່ຈີມິນ, ຜູ້ນໍາທີ່ມີຄວາມປີຊາສາມາດຂອງພັກ ແລະຊາດຫວຽດນາມ, ວິລະຊົນປົດປ່ອຍຊາດ...
|
|
ທ່ານນາຍົກລັດຖະມົນຕີ ຫງວຽນຊວນຟຸກ ຢ້ຽມຢາມບ່ອນຢູ່ ແລະບ່ອນເຮັດວຽກຂອງປະທານໂຮ່ຈີມິນ. ພາບ: ສໍານັກຂ່າວສານຫວຽດນາມ. |
ເມື່ອໂອ້ລົມກັບພະນັກງານ, ພາລະກອນຢູ່ເຂດປູຊະນີຍະສະຖານປະທານໂຮ່ຈີມິນ, ທ່ານນາຍົກລັດຖະມົນຕີ ຫງວຽນຊວນຟຸກ ສະເໜີວ່າຄວນສືບຕໍ່ປະຕິບັດວຽກງານອະນຸລັກຮັກສາບັນດາປູຊະນີຍະສະຖານ, ເອກະສານ, ວັດຖຸພັນ ແລະສະພາບແວດລ້ອມ, ທັດສະນີຍະພາບ; ຍູ້ແຮງວຽກງານເກັບຮັກສາ, ແນະນໍາ, ຮັບໃຊ້ປະຊາຊົນ ແລະເພ່ືອນມິດສາກົນທີ່ມາຄົ້ນຄວ້າ, ຊອກຮູ້ ແລະຮໍ່າຮຽນກ່ຽວກັບຊີວິດ, ພາລະກິດ, ແນວຄິດ ແລະແບບຢ່າງຄຸນສົມບັດປະທານໂຮ່ຈີມິນ.
ໂດຍ: ທູຈາງ