ຊຸກຍູ້ການພັດທະນາການພົວພັນຄູ່ຮ່ວມມືຮອບດ້ານ ຫວຽດນາມ-ອາເມລິກາ
ກປ.ອອນໄລ - ຢູ່ Washington DC, ທ່ານ ຮ່າກິມງອກ ເອກອັກຄະລັດຖະທູດຫວຽດນາມ ປະຈຳ ອາເມລິກາ ຫາຫໍ່ມີການໂອ້ລົມທາງໂທລະສັບກັບທ່ານ Ami Bera ສະມາຊິກສະພາຕໍ່າ ພັກປະຊາທິປະໄຕ, ປະທານອະນຸກໍາມະການອາຊີ-ປາຊີຟິກ ແລະຕ້ານການແຜ່ຂະຫຍາຍອາວຸດນິວຄະເລຍ, ກໍາມະທິການຕ່າງປະເທດສະພາຕໍ່າກ່ຽວກັບການພົວພັນຄູ່ຮ່ວມມືຮອບດ້ານ ຫວຽດນາມ-ອາເມລິກາ ແລະຮ່ວມມືຮັບມືກັບເຊື້ອພະຍາດໂຄວິດ-19.
ທ່ານ Ami Bera ຕີລາຄາສູງ ແລະອວຍພອນລັດຖະບານ, ປະຊາຊົນຫວຽດນາມ ຄວບຄຸມເຊື້ອພະຍາດໂຄວິດ-19 ເປັນຢ່າງດີ. ທ່ານ Ami Bera ໃຫ້ຮູ້ວ່າ ໜຶ່ງໃນບັນດາບູລິມະສິດຂອງອະນຸກໍາມະການອາຊີ-ປາຊີຟິກ ແລະຂອງທ່ານເອງແມ່ນຊຸກຍູ້ການຮ່ວມມືຮອບດ້ານກັບບັນດາປະເທດໃນພາກພື້ນ, ໃນນັ້ນມີຂົງເຂດເສດຖະກິດ-ການຄ້າ, ການປ້ອງກັນຊາດ-ປ້ອງກັນຄວາມສະຫງົບ, ຮັບປະກັບຄວາມສະຫງົບ, ປອດໄພໃນການເດີນທະເລ, ບັນດາປະເທດໃນພາກພື້ນພ້ອມກັນເຄົາລົບນັບຖືກົດໝາຍສາກົນ, ຄວາມເປັນລະບຽບຮຽບຮ້ອຍໂດຍອີງໃສ່ລະບຽບກົດໝາຍ, ຄວາມເສລີໃນການເດີນທະເລ ແລະການບິນ.
    |
 |
|
ທ່ານ ຮ່າກິມງອກ ເອກອັກຄະລັດຖະທູດຫວຽດນາມ ປະຈຳ ອາເມລິກາ. ພາບ: ສໍານັກຂ່າວສານຫວຽດນາມ. |
ໃນການໂອ້ລົມທາງໂທລະສັບ, ສອງຝ່າຍກໍ່ໄດ້ແລກປ່ຽນກ່ຽວກັບສະພາບການຢູ່ທະເລຕາເວັນອອກ ແລະຊຸກຍູ້ການຮ່ວມມືແມ່ນໍ້າຂອງ-ອາເມລິກາ. ກ່ຽວຂ້ອງເຖິງທະເລຕາເວັນອອກ, ທ່ານ Ami Bera ໃຫ້ຮູ້ວ່າ ສະພາແຫ່ງຊາດອາເມລິກາ ແລະທ່ານຍາມໃດກໍ່ເອົາໃຈໃສ່ ແລະຕິດຕາມບັນດາການຜັນແປຢູ່ທະເລຕາເວັນອອກ ຢ່າງໃກ້ຊິດ, ຄັດຄ້ານບັນດາການເຄື່ອນໄຫວລ່ວງລະເມີດອະທິປະໄຕ, ລະເມີດກົດໝາຍສາກົນ, ຄວາມເປັນລະບຽບຮຽບຮ້ອຍໂດຍສີງໃສ່ກົດໝາຍ ແລະກໍ່ຄວາມຂາດສະຖຽນລະພາບໃນພາກພື້ນ.
ເນື່ອງໃນໂອກາດນີ້, ທ່ານ ຮ່າກິມງອກ ແລະທ່ານ Ami Bera ກໍ່ໄດ້ແລກປ່ຽນກ່ຽວກັບການເພີ່ມທະວີການຮ່ວມມືຮອບດ້ານລະຫວ່າງຫວຽດນາມ ແລະລັດ California ໃນໄລຍະຈະມາເຖິງກວ່າອີກ, ໃນນັ້ນມີການຜັນຂະຫຍາຍອະນຸສັນຍາເພີ່ມທະວີການຮ່ວມມືໂດຍສະຖານທູດຫວຽດນາມ ແລະນະຄອນ Los Angeles ໄດ້ລົງນາມໃນເດືອນພຶດສະພາປີ 2019.
ໂດຍ: ຈາງຫງວຽນ