ກອງປະຊຸມທາງໄກພິເສດການນຳບັນດາອົງການມິດຕະພາບປະຊາຊົນອາຊຽນ-ຈີນ ກ່ຽວກັບການຮັບມືກັບໂຄວິດ-19
ກປ.ອອນໄລ - ຕອນບ່າຍວັນທີ 19 ພຶດສະພາ, ກອງປະຊຸມທາງໄກພິເສດການນໍາບັນດາອົງການມິດຕະພາບປະຊາຊົນບັນດາປະເທດອາຊຽນ ກັບຈີນ ກ່ຽວກັບການຮັບມືກັບພະຍາດໂຄວິດ-19 ແລະຊຸກຍູ້ການພົບປະແລກປ່ຽນມິດຕະພາບປະຊາຊົນໃນສະພາບການໃໝ່ໄດ້ດໍາເນີນດ້ວຍການເຂົ້າຮ່ວມຂອງການນໍາບັນດາອົງການຈັດຕັ້ງມິດຕະພາບປະຊາຊົນກັບຈີນ ຂອງ 10 ປະເທດ ອາຊຽນ ແລະຈີນ.
|
|
ທ່ານນາງ ຫງວຽນທິເຝືອງງາ ປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ ທີ່ກອງປະຊຸມທາງໄກ. ພາບ: ສໍານັກຂ່າວສານຫວຽດນາມ. |
ກ່າວຄໍາເຫັນທີ່ກອງປະຊຸມ, ທ່ານນາງ ຫງວຽນທິເຝືອງງາ ປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ ເນັ້ນໜັກວ່າ ດ້ວຍແຜນນະໂຍບາຍ “ຕ້ານພະຍາດຄືຕ້ານສັດຕູ”, ຫວຽດນາມ ໄດ້ນຳໃຊ້ສຳເລັດຫຼາຍມາດຕະການຢ່າງຂ້ຽວຂາດ, ມີປະສິດທິຜົນ ແລະຄົບຊຸດ, ທັງຮັກສາຄວາມປອດໄພ ແລະຊີວິດຂອງປະຊາຊົນທັງຮັບປະກັນພັດທະນາເສດຖະກິດ ແລະສະຫວັດດີການສັງຄົມ. ດ້ວຍຄວາມເຊື່ອໝັ້ນຂອງປະຊາຊົນ ແລະມູນເຊື້ອສະມັກຄີ, ແບ່ງປັນ, ຊ່ວຍເຫຼືອເຊິ່ງກັນ ແລະກັນຂອງຊາດຫວຽດນາມ, ພະຍາດໄດ້ຮັບການຄວບຄຸມ, ບໍ່ມີຄົນເສຍຊີວິດຍ້ອນພະຍາດໂຄວິດ-19.
ທ່ານນາງ ຫງວຽນທິເຝືອງງາ ເນັ້ນໜັກວ່າ ຕ້ອງຮັກສາສະພາບສັນຕິພາບ, ສະຖຽນລະພາບ, ການຮ່ວມມືພ້ອມກັນຍູ້ຖອຍພະຍາດ ແລະການຊຸດໂຊມດ້ານເສດຖະກິດ; ນໍ້າໃຈສາມັກຄີ ແລະຊ່ວຍເຫຼືອເຊິ່ງກັນ ແລະກັນລະຫວ່າງບັນດາປະເທດແມ່ນລູກກະແຈສ້າງເປັນຜົນສໍາເລັດເພື່ອໃຫ້ບັນດາປະເທດຜ່ານຜ່າຄວາມຫຍຸ້ງຍາກນີ້; ຈະຮ່ວມມືຢ່າງແໜ້ນແຟ້ນກັບບັນດາອົງການມິດຕະພາບໃນພາກພື້ນ, ສືບຕໍ່ຊຸກຍູ້ບັນດາການເຄື່ອນໄຫວພົບປະແລກປ່ຽນ, ຮ່ວມມືລະຫວ່າງບັນດາອົງການມິດຕະພາບປະຊາຊົນອາຊຽນ ກັບຈີນ.
ໂດຍ: ເກື່ອງດັ້ງ