ຫວຽດນາມ ແລະ ແບນຊິກ ເພີ່ມທະວີການຮ່ວມມືໃນຂົງເຂດກວດສອບ
ກປ.ອອນໄລ - ໃນຂອບເຂດການຢ້ຽມຢາມ ແລະເຮັດວຽກຢູ່ນະຄອນຫຼວງ ບຣຸກແຊນ ແຫ່ງ ແບນຊິກ, ໃນວັນທີ 26 ກຸມພາ, ຄະນະຜູ້ແທນຂັ້ນສູງອົງການກວດສອບແຫ່ງລັດຫວຽດນາມ ນໍາໂດຍທ່ານ ໂຮ່ດຶກເຝິກ ປະທານອົງການກວດສອບແຫ່ງລັດ, ໄດ້ມີການເຮັດວຽກກັບອົງການກວດສອບບັນຊີແຫ່ງລາຊະອານາຈັກ ແບນຊິກ ໂດຍທ່ານ Philippe Roland ປະທານອົງການກວດສອບບັນຊີ ເປັນປະທານພິທີຕ້ອນຮັບ.
ທີ່ການເຮັດວຽກ, ສອງຝ່າຍສະແດງຄວາມກຽມພ້ອມໃນການຊຸກຍູ້ການຮ່ວມມືລະຫວ່າງອົງການກວດສອບບັນຊີແບນຊິກ ແລະອົງການກວດສອບແຫ່ງລັດຫວຽດນາມ ໃນຂົງເຂດ: ແບ່ງປັນບົດຮຽນ, ຄວາມຮູ້, ບັນດາວິທີການກວດສອບ ເຊິ່ງສອງຝ່າຍຕ່າງມີຄວາມສົນໃຈ ຄື ກວດສອບການເຄື່ອນໄຫວ, ກວດສອບເຕັກໂນໂລຢີຂໍ້ມູນຂ່າວສານ.
|
|
ທ່ານ Philippe Roland ປະທານອົງການກວດສອບບັນຊີແບນຊິກ ມອບຂອງຂວັນທີ່ລະນຶກໃຫ້ທ່ານ ໂຮ່ດຶກເຝິກ ປະທານອົງການກວດສອບແຫ່ງລັດຫວຽດນາມ. ພາບ: ສໍານັກຂ່າວສານຫວຽດນາມ. |
ທ່ານ ໂຮ່ດຶກເຝິກ ສະແດງຄວາມປາດຖະໜາວ່າ ໃນໄລຍະຈະມາເຖິງ, ສອງຝ່າຍຈະສືບຕໍ່ເພີ່ມທະວີການເຄືື່ອນໄຫວແລກປ່ຽນບັນດາຄະນະຜູ້ແທນຂັ້ນສູງ, ຄະນະນັກວິຊາການກ່ຽວກັບບັນດາຫົວຂໍ້ ເຊິ່ງ ສອງຝ່າຍມີທ່າແຮງ ແລະມີຄວາມສົນໃຈກວ່າອີກ; ເຊື້ອເຊີນຜູ້ຕາງໜ້າຂອງແຕ່ລະຝ່າຍເຂົ້າຮ່ວມບັນດາກອງປະຊຸມ, ກອງປະຊຸມສໍາມະນາ ແລະການເຄື່ອນໄຫວບໍາລຸງສ້າງທີ່ມີລັກສະນະສາກົນ ໂດຍແຕ່ລະຝ່າຍຈັດຕັ້ງ ຫຼື ໃນຂອບເຂດການເຄື່ອນໄຫວຂອງ INTOSAI, EUROSAI.
ທ່ານ ໂຮ່ດຶກເຝິກ ປາດຖະໜາວ່າອົງການກວດສອບບັນຊີແບນຊິກ ດ້ວຍບົດບາດເປັນສະມາຊິກທີ່ຕັ້ງໜ້າຂອງອົງການ INTOSAI ແລະ EUROSAI ຈະສະເໜີໜູນຊ່ວຍໃຫ້ອົງການກວດສອບແຫ່ງລັດຫວຽດນາມ ກ່ຽວກັບບັນດາຂົງເຂດກວດສອບລັດຖະບານ ເຊິ່ງອົງການກວດສອບບັນຊີ ແບນຊິກ ມີທ່າແຮງ.
ໂດຍ: ກວຽດເຕິມ