ເລຂາທິການໃຫຍ່, ປະທານປະເທດ ອວຍພອນບຸນເຕັດການນຳ, ອະດີດການນຳພັກ, ລັດ
ຕອນເຊົ້າວັນທີ 22 ມັງກອນ (ກົງກັບວັນທີ 28 ບຸນເຕັດປີຊວດ 2020), ຢູ່ຮ່າໂນ້ຍ, ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ ໄດ້ເປັນປະທານໃນການພົບປະ, ອວຍພອນປີໃໝ່ບັນດານັກປະຕິວັດຜູ້ອາວຸໂສ, ການນຳ, ອະດີດການນຳພັກ, ລັດ, ແນວໂຮມປະເທດຊາດຫວຽດນາມ, ພໍ່ແມ່ພີ່ນ້ອງ, ນັກທົບໃນທົ່ວປະເທດ ແລະຊາວຫວຽດນາມ ອາໄສຢູ່ຕ່າງປະເທດ.
ກ່າວຄຳເຫັນທີ່ການພົບປະ, ທ່ານ ຫງວຽນຝູຈ້ອງ ໄດ້ຫວນຄືນບັນດາຜົນງານທີ່ພົ້ນເດັ່ນໃນການພັດທະນາເສດຖະກິດ-ສັງຄົມປີ 2019 ຄື ເສດຖະກິດສືບຕໍ່ມີການເຕີບໂຕຢ່າງໄວ, ບັນລຸໄດ້ກວ່າ 7% ນອນຢູ່ໃນກຸ່ມບັນດາປະເທດມີລະດັບການເຕີບໂຕສູງທີ່ສຸດຢູ່ພາກພື້ນ ແລະໃນໂລກ.
    |
 |
|
ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ. ພາບ: baochinhphu.vn. |
ເນັ້ນໜັກເຖິງປີ 2020 ແມ່ນປີທີ່ມີຄວາມໝາຍສຳຄັນພິເສດ, ແມ່ນປີທີ່ມີຫຼາຍເຫດການດ້ານການເມືອງທີ່ຍິ່ງໃຫຍ່ສຳລັບປະເທດຊາດ, ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ ຮຽກຮ້ອງໃຫ້ທົ່ວພັກ, ທົ່ວປວງຊົນທັງຊາດ, ທົ່ວກອງທັບເສີມຂະຫຍາຍຄວາມສາມາດບົ່ມຊ້ອນ, ທ່າໄດ້ປຽບ, ແຫຼ່ງກຳລັງ, ສືບຕໍ່ປັບປຸງ, ເພີ່ມທະວີພື້ນຖານເສດຖະກິດ ມະຫາພາກ, ຄຸ້ມຄອງໄພເງິນເຟິ້, ຍົກສູງກຳລັງພາຍໃນ ແລະລັກສະນະເປັນເຈົ້າຕົນເອງຂອງພື້ນຖານເສດຖະກິດ. ທ່ານກ່າວວ່າ:
ເສັ້ນທາງຕໍ່ໜ້າແມ່ນເສັ້ນທາງທັງມີຫຼາຍຄວາມຫຍຸ້ງຍາກ, ສິ່ງທ້າທາຍທັງມີບັນດາໂອກາດ, ສິ່ງທ້າທາຍໃໝ່. ດ້ວຍມູນເຊື້ອຮັກຊາດທີ່ເຕັມລົ້ນ, ຈິດໃຈສ້າງຄວາມເຂັ້ມແຂງດ້ວຍຕົນເອງ, ຄວາມສາມັກຄີເປັນຈິດໜຶ່ງໃຈດຽວ, ດຸໝັ່ນຂະຫຍັນພຽນປະດິດຄິດສ້າງ, ພວກເຮົາຍັງເຊື່ອໝັ້ນວ່າປີຊວດ - 2020 ປະເທດຊາດ ຈະບັນລຸໄດ້ຜົນງານທີ່ໃຫຍ່ຫຼວງຫຼາຍກວ່າອີກ.
ແຫຼ່ງຄັດຈາກ: vovworld.vn