ປະທານສະພາແຫ່ງຊາດຫວຽດນາມ ໄປຮອດນະຄອນ Kazan, ເລີ່ມຕົ້ນການຢ້ຽມຢາມສະຫະພັນລັດເຊຍ ຢ່າງເປັນທາງການ

9 ທັນວາ 2019 21:38

ກປ.ອອນໄລ - ຕອນບ່າຍວັນທີ 8 ທັນວາ (ຕາມເວລາທ້ອງຖິ່ນ), ທ່ານນາງ ຫງວຽນທິກິມເງິນ ປະທານສະພາແຫ່ງຊາດຫວຽດນາມ ແລະຄະນະຜູ້ແທນຂັ້ນສູງສະພາແຫ່ງຊາດຫວຽດນາມ ໄດ້ໄປຮອດສະໜາມບິນແຫ່ງຊາດ Kazan, ນະຄອນ Kazan, ສ. Tatarstan, ສະຫະພັນລັດເຊຍ, ເລີ່ມຕົ້ນການຢ້ຽມຢາມສະຫະພັນລັດເຊຍ ຢ່າງເປັນທາງການຕາມຄໍາເຊີນຂອງທ່ານນາງ V. Matvienko ປະທານສະພາສະຫະພັນລັດເຊຍ, ທ່ານ V. Volodin ປະທານສະພາຕໍ່າ (Duma) ສະພາແຫ່ງຊາດສະຫະພັນລັດເຊຍ.

ຕ້ອນຮັບຄະນະຜູ້ແທນຂັ້ນສູງສະພາແຫ່ງຊາດຫວຽດນາມ ຢູ່ສະໜາມບິນມີການນໍາສະພາແຫ່ງລັດ (ສະພາແຫ່ງຊາດ) Tatarstan, ການນໍາກຸ່ມສະມາຊິກລັດຖະສະພາມິດຕະພາບກັບຫວຽດນາມ ຂອງສະພາສະຫະພັນ ແລະສະມາຊິກຄະນະກໍາມາທິການກ່ຽວກັບນະໂຍບາຍສັງຄົມ V.S.Abramov. ຝ່າຍຫວຽດນາມ ມີທ່ານ ໂງດຶກແມ້ງ ເອກອັກຄະລັດຖະທູດຫວຽດນາມ ປະຈໍາ ສະຫະພັນລັດເຊຍ; ພະນັກງານສະຖານທູດຫວຽດນາມ ປະຈໍາສະຫະພັນລັດເຊຍ ແລະຜູ້ຕາງໜ້າປະຊາຄົມຊາວຫວຽດນາມ ຢູ່ ສ. Tatarstan, ສະຫະພັນລັດເຊຍ.