ຫວຽດນາມ ຮ່ວມຈັດຕັ້ງວາລະປຶກສາຫາລືຢູ່ນອກກອງປະຊຸມ ສະພາຄວາມໝັ້ນຄົງ ກ່ຽວກັບການເຄື່ອນໄຫວຮັກສາສັນຕິພາບ ສະຫະປະຊາຊາດ
ກປ.ອອນໄລ - ວັນທີ 6 ທັນວາ, ທີ່ສໍານັກງານສະຫະປະຊາຊາດ ໄດ້ດໍາເນີນການໂອ້ລົມສົນທະນາ ພາຍໃຕ້ຫົວຂໍ້ “ເພີ່ມທະວີປະສິດທິຜົນການເຄື່ອນໄຫວຮັກສາສັນຕິພາບຂອງສະຫະປະຊາຊາດ”. ນີ້ແມ່ນຂໍ້ລິເລີ່ມ ໂດຍ ອາເມລິກາ, ປະທານສະພາຄວາມໝັ້ນຄົງ ສະຫະປະຊາຊາດ ປະຈໍາເດືອນທັນວາ 2019 ຍົກອອກມາ ດ້ວຍການເຂົ້າຮ່ວມຂອງທ່ານ António Guterres ເລຂາທິການໃຫຍ່ ສະຫະປະຊາຊາດ ແລະຜູ້ຕາງໜ້າກວ່າ 100 ປະເທດສະມາຊິກສະຫະປະຊາຊາດ.
ໂດຍໄດ້ຮັບການຕີລາຄາວ່າແມ່ນໜຶ່ງໃນບັນດາປະເທດສ້າງການພົວພັນຄູ່ຮ່ວມມືທີ່ມີປະສິດທິຜົນທີ່ສຸດໃນການເຄື່່ອນໄຫວຮັກສາສັນຕິພາບ ຢູ່ຄະນະປະຕິບັດງານ ຊູດັງໃຕ້, ຫວຽດນາມ ໄດ້ຮັບການເຊີື້ອເຊີນຮ່ວມຈັດຕັ້ງ ແລະກ່າວຄໍາເຫັນທີ່ວາລະປຶກສາຫາລືກ່ຽວກັບການເພີ່ມທະວີການພົວພັນຄູ່ຮ່ວມມື ໃນການເຄື່ອນໄຫວຮັກສາສັນຕິພາບ.
    |
 |
|
ທ່ານເອກອັກຄະລັດຖະທູດ ດັ້ງດິ່ງກຸ໊ຍ ຫົວໜ້າຄະນະຜູ້ຕາງໜ້າຫວຽດນາມ ປະຈໍາ ສະຫະປະຊາຊາດ. ພາບ:ສໍານັກຂ່າວສານຫວຽດນາມ. |
ກ່າວຄໍາເຫັນທີ່ການໂອ້ລົມສົນທະນາ, ທ່ານເອກອັກຄະລັດຖະທູດ ດັ້ງດິ່ງກຸຸ໊ຍ ຫົວໜ້າຄະນະຜູ້ຕາງໜ້າຫວຽດນາມ ປະຈໍາ ສະຫະປະຊາຊາດ ໄດ້ແບ່ງປັນບົດຮຽນໃນການຜັນຂະຫຍາຍການພົວພັນຄູ່ຮ່ວມມືຂອງຫວຽດນາມກັບບັນດາປະເທດໜູນຊ່ວຍດ້ານການເງິນ, ບໍາລຸງສ້າງ, ພາຫະນະອຸປະກອນ ແລະຂົນສົ່ງ, ກໍຄືບັນດາປະເທດຈັດສົ່ງນາຍທະຫານໃນບໍລິເວນດຽວກັນ, ປະເທດຮັບເອົານາຍທະຫານ ແລະບັນດາອົງການຂອງສະຫະປະຊາຊາດ ໃນການຜັນຂະຫຍາຍໂຮງໝໍກາງສະໜາມຂັ້ນ 2 ຢູ່ ຊູດັງໃຕ້.
ໂດຍ: ໄຊຊະນະ