ວິສາຫະກິດວັດທະນາຖາວອນ ແມ່ນປະເທດວັດທະນາຖາວອນ
ກປ.ອອນໄລ - ພິທີສະເຫຼີມສະຫຼອງ 15 ປີແຫ່ງວັນນັກທຸລະກິດຫວຽດນາມ, 74 ປີແຫ່ງວັນລຸງໂຮ່ ສົ່ງຈົດໝາຍເຖິງວົງການອຸດສາຫະກໍາ ແລະການຄ້າ ແລະມອບນາມມະຍົດນັກທຸລະກິດຫວຽດນາມດີເດັ່ນ - ຂັນແຖ໊ງຢ໊ອງ 2019 ໄດ້ຈັດຂຶ້ນຢູ່ຮ່າໂນ້ຍ ໃນຕອນເຊົ້າວັນທີ 13 ຕຸລາ. ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ເຂົ້າຮ່ວມ ແລະກ່າວຄໍາເຫັນທີ່ພິທີ. ເຫດການນີ້ໂດຍຫ້ອງການການຄ້າ ແລະອຸດສາຫະກໍາຫວຽດນາມ (VCCI) ຈັດຕັ້ງດ້ວຍການເຂົ້າຮ່ວມຂອງນັກທຸລະກິດດີເດັ່ນ 100 ຄົນ.
ກ່າວຄໍາເຫັນທີ່ພິທີສະເຫຼີມສະຫຼອງ, ຕາງໜ້າການນໍາພັກ, ລັດ ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ສົ່ງຄໍາຢ້ຽມຢາມຖາມຂ່າວ ແລະຍ້ອງຍໍຊົມເຊີຍຕໍ່ຄວາມມານະພະຍາຍາມ, ການປະກອບສ່ວນອັນໃຫຍ່ຫຼວງຂອງປະຊາຄົມວິສາຫະກິດ, ນັກທຸລະກິດຫວຽດນາມ.
|
|
ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ແລະບັນດາຜູ້ແທນເຂົ້າຮ່ວມພິທີສະເຫຼີມສະຫຼອງ 15 ປີແຫ່ງວັນນັກທຸລະກິດຫວຽດນາມ. ພາບ: ກວາງຮ໋ຽວ. |
ທ່ານ ຫງວຽນຊວນຟຸກ ເນັ້ນໜັກວ່າ, ໃນທິດແລ້ວນີ້, ທະນາຄານພັດທະນາອາຊີ ໄດ້ຮັບຮູ້ວ່າ: ຫວຽດນາມ ນໍາໜ້າອາຊຽນ ແລະນອນໃນກຸ່ມນໍາໜ້າອາຊີກ່ຽວກັບການເຕີບໂຕ. ບໍ່ພຽງແຕ່ນໍາໜ້າໃນກິດຈະການສ້າງສາ ແລະພັດທະນາປະເທດຊາດ ເທົ່ານັ້ນ, ປະຊາຄົມວິສາຫະກິດ, ຖັນແຖວນັກທຸລະກິດຫວຽດນາມ ຍັງນັບມື້ນັບຢັ້ງຢືນບົດບາດຫຼັກແຫຼ່ງທີ່ໄດ້ສ້າງຊັບສິນເງິນທອງໃຫ້ແກ່ສັງຄົມ, ແກ້ໄຂວຽກເຮັດງານທໍາ ແລະປະກອບສ່ວນໃຫ້ແກ່ຄວາມວັດທະນາຖາວອນຂອງປະເທດ.
ແບ່ງປັນກ່ຽວກັບຍຸດທະສາດພັດທະນາເຖິງປີ 2030 ແລະວິໄສທັດ 2045, ທ່ານນາຍົກລັດຖະມົນຕີ ເນັ້ນໜັກວ່ານັ້ນແມ່ນບັນດາຈຸດເວລາສໍາຄັນສະເຫຼີມສະຫຼອງ 100 ປີແຫ່ງວັນສ້າງຕັ້ງພັກ ແລະວັນສ້າງຕັ້ງປະເທດ. ເປົ້າໝາຍຂອງພວກເຮົາ ມຸ່ງໄປເຖິງແມ່ນກາຍເປັນປະເທດພັດທະນາທີ່ມີລາຍຮັບສູງ, ມີລະບອບລະບຽບການ ແລະຄວາມສາມາດແກ່ງແຍ້ງສູງ, ນອນໃນກຸ່ມບັນດາພື້ນຖານເສດຖະກິດນໍາໜ້າພາກພື້ນອາຊຽນ ແລະອາຊີ. ທ່ານນາຍົກລັດຖະມົນຕີ ຢັ້ງຢືນວ່າ, ພັກ ແລະລັດ ຈະສືບຕໍ່ຊຸກຍູ້ກິດຈະການປະຕິຮູບລະບອບລະບຽບການ, ກ້າວໄປເຖິງບັນດາມາດຖານແຖວໜ້າ ຢູ່ພາກພື້ນ ແລະໃນໂລກ ເພື່ອສ້າງສະພາບແວ້ດລ້ອມໃຫ້ແກ່ການພັດທະນາໄວ ແລະຍືນຍົງຂອງວິສາຫະກິດ, ນັກທຸລະກິດ.
|
|
ທ່ານ ຫວູຕ໊ຽນລົກ ປະທານ VCCI - ຕາງໜ້າໃຫ້ບັນດານັກທຸລະກິດ ຂຶ້ນຮັບຂອງຂວັນຈາກທ່ານນາຍົກລັດຖະມົນຕີ ຫງວຽນຊວນຟຸກ. ພາບ: ສໍານັກຂ່າວສານຫວຽດນາມ. |
ທ່ານນາຍົກລັດຖະມົນຕີ ຫງວຽນຊວນຟຸກ ກ່າວວ່າ “ລັດຖະບານ ຈະຮ່ວມເດີນທາງ, ໜູນຊ່ວຍໃຫ້ແກ່ການທໍາມາຫາກິນຂອງປະຊາຊົນ ແລະວິສາຫະກິດ. ຜົນສໍາເລັດຂອງວິສາຫະກິດ ມີການປະກອບສ່ວນຂອງອໍານາດການປົກຄອງ ແລະວິສາຫະກິດບໍ່ປະສົບຜົນສຳເລັດນັ້ນມີຄວາມຮັບຜິດຊອບຂອງອໍານາດການປົກຄອງ. ຜົນສໍາເລັດຂອງວິສາຫະກິດ, ນັກທຸລະກິດ ແມ່ນຜົນສໍາເລັດຂອງລັດຖະບານ, ຂອງປະຊາຊົນ ແລະປະເທດ”...
ໂດຍ: ໄຊຊະນະ