ກອງປະຊຸມ ASEM ຄັ້ງທີ 13 ສ້າງຄວາມປະທັບໃຈຕໍ່ຜູ້ແທນພາສີລາວ
ກປ.ອອນໄລ - ກອງປະຊຸມກົມໃຫຍ່ພາສີເວທີໄປໄສຮ່ວມມືອາຊີ-ເອີລົບ (ASEM) ຄັ້ງທີ 13 ໄດ້ສິ້ນສຸດລົງຢ່າງຈົບງາມ, ຕອບສຳພາດກັບໜັງສືພິມພາສີ, ທ່ານ ການດາ ສີປະເສີດ ຮອງຫົວໜ້າກົມຮ່ວມມືສາກົນ, ກົມພາສີລາວ (ສປປ ລາວ) ໄດ້ຕີລາຄາສູງຕໍ່ວຽກງານກະກຽມ, ການຕ້ອນຮັບ, ການຈັດຕັ້ງຂອງຂະແໜງພາສີຫວຽດນາມ ໃນກອງປະຊຸມ ASEM ຄັ້ງທີ 13.
ທ່ານ ການດາ ສີປະເສີດ ຕີລາຄາວ່າ ຂະແໜງພາສີຫວຽດນາມ ຈັດຕັ້ງກອງປະຊຸມ ASEM ຄັ້ງທີ 13 ມີຄວາມລອບຄອບຖີ່ຖ້ວນທີ່ສຸດ. ທ່ານ ການດາ ສີປະເສີດ ເນັ້ນໜັກວ່າ: “ກອງປະຊຸມຄັ້ງນີ້ແມ່ນເຫດການໃຫຍ່, ມີຄວາມໝາຍທີ່ສຸດເພື່ອຊ່ວຍໃຫ້ການເຊື່ອມຕໍ່ລະຫວ່າງອົງການພາສີບັນດາປະເທດສະມາຊິກ ASEM ນຳກັນ. ຂະແໜງພາສີຫວຽດນາມ ຈັດຕັ້ງກອງປະຊຸມໄດ້ຢ່າງສົມບູນທີ່ສຸດ, ພວກຂ້າພະເຈົ້າໄດ້ເຂົ້າຮ່ວມງານລ້ຽງຕອນຄໍ່າດ້ວຍບັນຍາກາດທີ່ເບີກບານມ່ວນຊື່ນ, ອົບອຸ່ນ ແລະສະໜິດສະໜົນ; ໄດ້ໄປຢ້ຽມຊົມບັນດາທັດສະນີຍະພາບທີ່ສວຍງາມຂອງຫວຽດນາມ. ຂະແໜງພາສີຫວຽດນາມ ໄດ້ມີບັນດາປະກອບສ່ວນອັນໃຫຍ່ຫຼວງຢ່າງແທ້ຈິງ, ຊ່ວຍໃຫ້ອົງການພາສີບັນດາປະເທດສະມາຊິກ ASEM ຫຍັບເຂົ້າໃກ້ກັນກວ່າ”.
|
|
ຄະນະຜູ້ແທນພາສີລາວ ເຂົ້າຮ່ວມກອງປະຊຸມ ASEM ຄັ້ງທີ 13. ພາບ: ຮົ່ງນູ້. |
ຂະແໜງພາສີລາວ ກໍ່ຕີລາຄາສູງການຮ່ວມມືພາສີ ASEM ໃນໄລຍະ 2018-2019 ທີ່ບັນລຸໄດ້ຜົນງານລື່ນກາຍຄາດໝາຍ. ເລື່ອງຈັດຕັ້ງບັນດາການເຈລະຈາຢ່າງເປັນທາງການ ແລະບໍ່ເປັນທາງການໄດ້ຊ່ວຍໃຫ້ອົງການພາສີບັນດາປະເທດ ASEM ແລກປ່ຽນ ແລະແບ່ງປັນບັນດາບົດຮຽນຕົວຈິງໃນການແກ້ໄຂບັນດາບັນຫາໃນຂົງເຂດພາສີ.
ທ່ານ ການດາ ສີປະເສີດ ມີຄວາມປາດຖະໜາຢາກຮ່ວມມື ແລະຮໍ່າຮຽນເອົາບົດຮຽນໃນການຈັດຕັ້ງບັນດາເຫດການໃຫຍ່ຈາກຂະແໜງພາສີຫວຽດນາມ ກໍ່ຄືຮໍ່າຮຽນເອົາບົດຮຽນກ່ຽວກັບວຽກງານຄຸ້ມຄອງ, ກວດກາ, ຄວບຄຸມຄວາມສະຫງົບຊາຍແດນຂອງຂະແໜງພາສີຫວຽດນາມ.
ໂດຍ: ເກື່ອງດັ້ງ