ມອບຫຼຽນໄຊແຮງງານຊັ້ນ I ໃຫ້ເອກອັກຄະລັດຖະທູດລາວ ປະຈໍາ ຫວຽດນາມ
ກປ.ອອນໄລ - ຕອນບ່າຍວັນທີ 19 ກັນຍາ, ທີ່ສໍານັກງານກະຊວງການຕ່າງປະເທດ, ທ່ານ ຟ້າມບິ່ງມິນ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ຕາງໜ້າການນໍາພັກ ແລະລັດຫວຽດນາມ ມອບຫຼຽນໄຊແຮງງານຊັ້ນ I ຂອງ ສສ. ຫວຽດນາມ ໃຫ້ທ່ານ ທອງສະຫວັນ ພົມວິຫານ ເອກອັກຄະລັດຖະທູດລາວ ປະຈໍາ ຫວຽດນາມ ເນື່ອງໃນໂອກາດສຳເລັດການປະຕິບັດໜ້າທີ່ການທູດຢູ່ຫວຽດນາມ. ກ່ອນໜ້ານັ້ນ, ທ່ານ ຟ້າມບິ່ງມິນ ໄດ້ຕ້ອນຮັບທ່ານ ທອງສະຫວັນ ພົມວິຫານ ຢ່າງອົບອຸ່ນ.