ທ່ານ Majaliwa Kassim Majaliwa ມີຄວາມເຊື່ອໝັ້ນວ່່່າ, ການຢ້ຽມຢາມຈະແມ່ນຂີດໝາຍສໍາຄັນ, ສ້າງກໍາລັງໜູນນໍາການພົວພັນມິດຕະພາບ, ມູນເຊື້ອ ແລະການຮ່ວມມືລະຫວ່າງສອງປະເທດເຂົ້າໃນໄລຍະພັດທະນາໃໝ່ຢ່າງເລິກເຊິ່ງ, ກວ້າງຂວາງ ແລະມີປະສິດທິຜົນໃນທຸກຂົງເຂດ.

leftcenterrightdel
ທ່ານ ຈິ໊ງດີ່ງຢູງ ຮອງນາຍົກລັດຖະມົນຕີຫວຽດນາມ ແລະທ່ານ Majaliwa Kassim Majaliwa ນາຍົກລັດຖະມົນຕີ Tanzania. ພາບ: chinhphu.vn.

ສ່ວນທ່ານ ຈິ໊ງດີ່ງຢູງ ຢັ້ງຢືນວ່າ, ຫວຽດນາມ ຍາມໃດກໍ່ຖືເປັນສໍາຄັນ ແລະປາດຖະໜາຢາກເປີດກວ້າງການຮ່ວມມືຕ່າງຝ່າຍຕ່າງມີຜົນປະໂຫຍດກັບ ຕັງຊານີ.

ທ່ານ Majaliwa Kassim Majaliwa ແລະທ່ານ ຈິ໊ງດີ່ງຢູງ ກໍ່ເຫັນດີເປັນເອກະພາບເພີ່ມທະວີການພົວພັນດ້ານການເມືອງຢ່າງສະໜິດຕິດພັນຜ່ານການແລກປ່ຽນຄະນະທຸກຂັ້ນ, ສົ່ງເສີມການແລກປ່ຽນ, ພົບປະ ແລະເຊື່ອມຕໍ່ ລະຫວ່າງບັນດາທ້ອງຖິ່ນ, ພ້ອມທັງສືບຕໍ່ສົມທົບກັນ ແລະສະໜັບສະໜູນເຊິ່ງກັນ ແລະກັນທີ່ສະຫະປະຊາຊາດ ແລະບັນດາເວທີປາໄສສາກົນອື່ນ. ກ່ຽວກັບການຮ່ວມມືດ້ານເສດຖະກິດ, ການຄ້າ ແລະການລົງທຶນ, ສອງຝ່າຍປຶກສາຫາລືຫຼາຍມາດຕະການ ເພື່ອແນໃສ່ຍູ້ແຮງດ້ານການຄ້າໃຫ້ສອດຄ່ອງກັບຄວາມສາມາດບົ່ມຊ້ອນສອງປະເທດ.

ໂດຍ: ໄຊນີດາ