ສະເຫຼີມສະຫຼອງ 25 ປີແຫ່ງວັນເຊັນສົນທິສັນຍາຫຼັກການພື້ນຖານຂອງການພົວພັນ ຫວຽດນາມ-ລັດເຊຍ
ກປ.ອອນໄລ - ເນື່ອງໃນໂອກາດສະເຫຼີມສະຫຼອງ 25 ປີແຫ່ງວັນເຊັນສົນທິສັນຍາກ່ຽວກັບບັນດາຫຼັກການພື້ນຖານຂອງການພົວພັນມິດຕະພາບລະຫວ່າງ ສສ ຫວຽດນາມ ແລະສະຫະພັນລັດເຊຍ (16-6-1994/16-6-2019), ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ ແລະທ່ານ V.V. Putin ປະທານາທິບໍດີສະຫະພັນລັດເຊຍ ໄດ້ແລກປ່ຽນສານຊົມເຊີຍ, ໃນນັ້ນເນັ້ນໜັກວ່ານີ້ແມ່ນເຫດການທີ່ສໍາຄັນ, ເປັນຂີດໝາຍໄລຍະພັດທະນາໃໝ່ໃນການພົວພັນສອງປະເທດ.
ພາຍຫຼັງ 25 ປີ, ການພົວພັນ ຫວຽດນາມ-ລັດເຊຍ ໄດ້ຍົກຂຶ້ນສູ່ລະດັບສູງໃໝ່, ດ້ວຍການຮ່ວມມືໄດ້ຮັບການປັບປຸງ ແລະເພີ່ມທະວີໃນທຸກຂົງເຂດ ຄື: ການເມືອງ, ເສດຖະກິດ, ການຄ້າ, ການລົງທຶນ, ການປ້ອງກັນຊາດ, ປ້ອງກັນຄວາມສະຫງົບ, ການສຶກສາ ແລະກໍ່ສ້າງ, ວິທະຍາສາດ ແລະເຕັກໂນໂລຢີ, ວັດທະນະທໍາ ແລະການທ່ອງທ່ຽວ… ຢ່າງບໍ່ຢຸດຢັ້ງ.
|
|
ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ ແລະທ່ານ Vladimir Putin ປະທານາທິບໍດີສະຫະພັນລັດເຊຍ. ພາບ: ສໍານັກຂ່າວສານຫວຽດນາມ. |
ສອງຝ່າຍສະແດງຄວາມເຊື່ອໝັ້ນວ່າການພົວພັນມິດຕະພາບທີ່ເປັນມູນເຊື້ອ ແລະຄູ່ຮ່ວມມືຍຸດທະສາດຮອບດ້ານ ຫວຽດນາມ-ລັດເຊຍ ນັບມື້ນັບພັດທະນາ ແລະເຂົ້າສູ່ລວງເລິກ, ເພື່ອຜົນປະໂຫຍດລວມຂອງສອງປະເທດ, ເພື່ອສັນຕິພາບ, ສະຖຽນລະພາບ ແລະການພັດທະນາໃນພາກພື້ນ ແລະໃນໂລກ.
ໂດຍ: ຈາງຫງວຽນ