ກອງປະຊຸມສົນທິສັນຍາສິດຂອງຄົນພິການ ສປຊ
ຫວຽດນາມ ໃຫ້ຄໍາໝັ້ນສັນຍາປະຕິບັດເປົ້າໝາຍ “ບໍ່ມີໃຜຖືກປະໄວ້ຢູ່ທາງຫຼັງ”
ກປ.ອອນໄລ - ກອງປະຊຸມ ຄັ້ງທີ 12 ບັນດາຝ່າຍເຂົ້າຮ່ວມສົນທິສັນຍາວ່າດ້ວຍສິດຂອງຄົນພິການ (CRPD) ໄດ້ດໍາເນີນແຕ່ວັນທີ 11-13 ມິຖຸນາ 2019 ຢູ່ນິວຢອກ (ອາເມລິກາ) ດ້ວຍຫົວຂໍ້ “ຮັບປະກັນການເຂົ້າຮ່ວມຂອງຄົນພິການຜ່ານການຜັນຂະຫຍາຍ CRPD ຢ່າງຄົບຖ້ວນ”, ດ້ວຍການເຂົ້າຮ່ວມຂອງລັດຖະມົນຕີ, ຜູ້ຕາງໜ້າຂັ້ນສູງຂອງບັນດາປະເທດສະມາຊິກສົນຍິສັນຍາຫຼາຍທ່ານ, ພ້ອມດ້ວຍຜູ້ຕາງໜ້າຂອງຫຼາຍອົງການຈັດຕັ້ງທີ່ບໍ່ຂຶ້ນກັບລັດຖະບານ.
|
|
ທ່ານ Antonio Guterres ເລຂາທິການໃຫຍ່ ສປຊ ກ່າວຄໍາເຫັນທີ່ ນິວຢອກ, ອາເມລິກາ. ພາບ: THX/TTXVN |
ກ່າວຄໍາເຫັນທີ່ກອງປະຊຸມ, ທ່ານ ດິງຍໍຮືງ, ຮອງຫົວໜ້າຄະນະຜູ້ຕາງໜ້າຫວຽດນາມ ປະຈໍາ ສປຊ ຢັ້ງຢືນເຖິງຄໍາໝັ້ນສັນຍາຂອງຫວຽດນາມ ແມ່ນຜັນຂະຫຍາຍ CRPD ທັງຢູ່ລະດັບຊາດ, ພາກພື້ນ ແລະທົ່ວໂລກຢ່າງມີປະສິດທິຜົນ, ມຸ່ງໄປເຖິງເປົ້າໝາຍ “ບໍ່ມີໃຜຖືກປະໄວ້ຢູ່ທາງຫຼັງ”. ທ່ານ ດິງຍໍຮືງ ໄດ້ແຈ້ງໃຫ້ຊາບວ່າ, ຫວຽດນາມ ຫາກໍ່ປະຕິບັດການສໍາຫຼວດລະດັບຊາດສຳລັບການນໍາໃຊ້ບັນດາມາດຕະຖານສາກົນກ່ຽວກັບຄົນພິການຄັ້ງທໍາອິດສໍາເລັດ. ບັນດາຜົນການສໍາຫຼວດກ່ຽວກັບສະພາບຄົນພິການ, ເງື່ອນໄຂເສດຖະກິດ, ສັງຄົມຂອງຄົນພິການ ຈະແມ່ນພື້ນຖານສໍາຄັນເພື່ອໃຫ້ຫວຽດນາມ ສ້າງນະໂຍບາຍ, ໂຄງການລົບລ້າງບັນດາຮົ້ວກີດຂວາງ, ເພີ່ມທະວີການເຂົ້າຮ່ວມ ແລະຍົກສູງຄຸນນະພາບຊີວິກການເປັນຢູ່ໃຫ້ແກ່ຄົນພິການ.
ໂດຍ: ໄຊຊະນະ