ທ່ານນາຍົກລັດຖະມົນຕີ ເຂົ້າຮ່ວມພິທີເປີດສະຫຼອງໂຮງງານລົດໂອໂຕ VinFast
ກປ.ອອນໄລ - ພາຍຫຼັງກໍ່ສ້າງມາເປັນເວລາ 21 ເດືອນ, ວັນທີ 14 ມິຖຸນາ, ໂຮງງານລົດໂອໂຕ VinFast ຢູ່ເຂດອຸດສາຫະກໍາ ດິ່ງຫວູ, ນະຄອນຫາຍຟ່ອງ ໄດ້ຈັດພິທີເປີດສະຫຼອງ, ກ້າວເຂົ້າສູ່ໄລຍະຜະລິດເປັນຈໍານວນຫຼວງຫຼາຍ. ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ໄດ້ເຂົ້າຮ່ວມ ແລະຊົມເຊີຍເຫດການສໍາຄັນນີ້ຂອງກຸ່ມບໍລິສັດ Vingroup ແລະຂະແໜງອຸດສາຫະກໍາລົດໂອໂຕຫວຽດນາມ.
ກ່າວຄໍາເຫັນທີ່ພິທີ, ທ່ານ ຫງວຽນຊວນຟຸກ ຕີລາຄາສູງຄວາມມານະພະຍາຍາມຂອງຖັນແຖວຜູ້ບັນຊາ, ພະນັກງານ, ວິສະວະກອນ, ກໍາມະກອນ, ຜູ້ອອກແຮງງານຢູ່ໂຮງງານລົດໂອໂຕ VinFast. ທ່ານນາຍົກລັດຖະມົນຕີ ຖືວ່າ, ຄວາມວ່ອງໄວໃນການກໍ່ສ້າງໂຮງງານລົດໂອໂຕ VinFast ໄດ້ສະແດງໃຫ້ເຫັນຄວາມມຸ້ງຫວັງອັນໃຫຍ່ຫຼວງຂອງບັນດາຜູ້ທີ່ໄດ້ “ຮ່ວມແຮງຮ່ວມໃຈ” ປະກອບພູມປັນຍາເພື່ອສ້າງເປັນໂຄງການອັນມະຫັດສະຈັນຂອງຂະແໜງລົດໂອໂຕຫວຽດນາມ ກໍຄືໃນໂລກ”. ໝາກຜົນນີ້ບໍ່ພຽງແຕ່ພິສູດໃຫ້ເຫັນວ່າ ຊາວຫວຽດນາມ ສາມາດເຮັດໄດ້ບັນດາສິ່ງທີ່ໂລກເຮັດໄດ້, ສໍາຄັນ ແລະແທດຈິງກວ່າ ແມ່ນປະກອບສ່ວນເຂົ້າໃນບັນດາໝາກຜົນເສດຖະກິດ - ສັງຄົມຂອງທ້ອງຖິ່ນ ແລະປະເທດຊາດ, ມຸ່ງໄປສູ່ເປົ້າໝາຍສ້າງສາປະເທດໃຫ້ມີຄວາມຮັ່ງມີ ພໍສົມຄວນໃນປີ 2045.
|
|
ທ່ານນາຍົກລັດຖະມົນຕີ ຫງວຽນຊວນຟຸກ ແລະບັນດາຜູ້ແທນຕັດແຖບຜ້າເປີດສະຫຼອງໂຮງງານຜະລິດລົດໂອໂຕ VinFast. ພາບ: ສໍານັກຂ່າວສານຫວຽດນາມ. |
ທ່ານນາຍົກລັດຖະມົນຕີ ປາດຖະໜາວ່າ, VinFast ຄວນເປັນເຈົ້າການໃນການຮ່ວມສໍາພັນ, ຮ່ວມມືກັບບັນດາຜູ້ຜະລິດລົດໂອໂຕຫວຽດນາມ ເພື່ອບັນລຸລະດັບເຕີບໂຕແຮງ, ເພີ່ມກໍາລັງແຮງ, ພ້ອມກັນມຸ່ງໄປເຖິງເປົ້າໝາຍສ້າງຖານະບົດບາດທີ່ໝັ້ນຄົງຢູ່ຕະຫຼາດພາຍໃນ ແລະນໍາຂະແໜງລົດໂອໂຕຫວຽດນາມ ອອກສູ່ພາກພື້ນ ແລະໃນໂລກ ໂດຍໄວ...
ໂດຍ: ໄຊຊະນະ