ທ່ານປະທານາທິບໍດີສະຫະລັດອາເມລິກາ Donald Trump ໄດ້ມາຮອດດ່ານັ້ງ ເຂົ້າຮ່ວມກອງປະຊຸມຂັ້ນສູງ APEC 2017
ກປ.ອອນໄລ - ເຮືອບິນພິເສດ Air Force One ໂດຍສານປະທານາທິບໍດີສະຫະລັດອາເມລິກາ Donald Trump ມາເຂົ້າຮ່ວມກອງປະຊຸມຂັ້ນສູງ APEC 2017 ໄດ້ລົງຈອດຢູ່ສະໜາມບິນສາກົນດ່ານັ້ງໃນເວລາ 12 ໂມງ 30 ນາທີ, ວັນທີ 10 ພະຈິກ.
ໃນຕອນບ່າຍວັນດຽວກັນ, ທ່ານປະທານາທິບໍດີ Donald Trump ມີບົດກ່າວປາໄສ ຢູ່ສູນປະຊຸມ Ariyana, ດ່ານັ້ງ ຕໍ່ໜ້ານັກທຸລະກິດນັບພັນຄົນ.
ໃນສອງທົດສະວັດຜ່ານມາ, ການຄ້າລະຫວ່າງສະຫະລັດອາເມລິກາ ແລະຫວຽດນາມ ໄດ້ມີການເຕີບໂຕຢ່າງແຮງ: ຈາກ 451 ລ້ານໂດລາສະຫະລັດ ໃນ ປີ 1995 ໄດ້ຂຶ້ນເຖິງກວ່າ 52 ຕື້ໂດລາສະຫະລັດ ປີ 2016. ປະຈຸບັນນີ້, ສະຫະລັດອາເມລິກາ ແມ່ນຄູ່ຮ່ວມມືການຄ້າໃຫຍ່ອັນດັບທີ 2 ຂອງຫວຽດນາມ.
ພາຫະນະອຸປະກອນຫຼາຍຢ່າງໄດ້ຮັບການລະດົມເພື່ອຕ້ອນຮັບຄະນະຜູ້ແທນຂອງທ່ານປະທານາທິບໍດີ ສະຫະລັດອາເມລິກາ. ພາບ: qdnd.vn
ຄະນະພິທີການກອງທັບ (ໃສ່ເຄື່ອງແບບທະຫານສີຂາວ) ໄດ້ຮັບມອບໝາຍໜ້າທີ່ຕ້ອນຮັບບັນດາການນໍາເຂົ້າຮ່ວມບັນດາການເຄື່ອນໄຫວໃນຂອບເຂດສັບປະດາຂັ້ນສູງ APEC 2017. ພາບ: qdnd.vn
ປະທານາທິບໍດີສະຫະລັດອາເມລິກາ Donald Trump ໂບກມືຄຳນັບເມື່ອອອກຈາກເຮືອບິນພິ ເສດ. ພາບ: qdnd.vn
ຂະບວນລົດຂົນສົ່ງທ່ານປະທານາທິບໍດີສະຫະລັດອາເມລິກາ Donald Trump. ພາບ: qdnd.vn
ກອງປະຕິບັດໜ້າທີ່ພິເສດສະຫະລັດອາເມລິກາ ສັງເກດແຕ່ໄກ. ພາບ: qdnd.vn
...ແລະນໍາເອົາ ໝາໄປພ້ອມເພື່ອເພີ່ມທະວີຄວາມໝັ້ນຄົງ. ພາບ: qdnd.vn
ນັກຂ່າວພາຍໃນປະເທດ ແລະຕ່າງປະເທດສົ່ງຂ່າວກ່ຽວກັບເຫດການເປັນຈຳນວນຫຼວງຫຼາຍ. ພາບ: qdnd.vn
ກ່ອນທີ່ຈະມາຢ້ຽມຢາມຫວຽດນາມ ແລະເຂົ້າຮ່ວມກອງປະຊຸມສຸດຍອດ APEC 2017, ທ່ານປະທານາທິບໍດີ ສະຫະລັດອາເມລິກາ Donald Trump ຢັ້ງຢືນວ່າ ສະຫະລັດອາເມລິກາ ສືບຕໍ່ໃຫ້ຄໍາໝັ້ນສັນຍາເພີ່ມທະວີສາຍພົວພັນເສດຖະກິດສໍາຄັນນີ້ກັບຫວຽດນາມ. ທ່ານປະທານາທິບໍດີ Donald Trump ກໍ່ໃຫ້ຮູ່ວ່າ, ເລື່ອງບັນດາການນໍາຂອງພາກພື້ນອາຊີ - ປາຊີຟິກ ເຂົ້າຮ່ວມ APEC ສະແດງໃຫ້ເຫັນຄວາມສໍາຄັນດ້ານການຄ້າເມື່ອເຮັດໃຫ້ຫຼາຍລ້ານຄົນຫຼຸດພົ້ນອອກຈາກຄວາມທຸກຍາກອຶດຫິວ, ຊຸກຍູ້ການເຕີບໂຕຂອງຊົນຊັ້ນກາງ ແລະນໍາບັນດາປະຊາຄົມໂດດດ່ຽວກາຍເປັນບັນດາພື້ນຖານເສດຖະກິດທັນສະໄໝ ແລະມີຄວາມສະໜິດຕິດພັນນຳກັນ.
ທ່ານປະທານາທິບໍດີ Donald Trump ໃຫ້ຮູ້ວ່າ, ພາກພື້ນ ອາຊີ-ປາຊີຟິກ ໄດ້ຮັບຜົນຜະໂຫຍດຫຼາຍຈາກການຮ່ວມມືເສດຖະກິດ ແລະພາກພື້ນນີ້ສືບຕໍ່ແມ່ນກໍາລັງໜູນເຕີບໂຕສໍາຄັນໃນພື້ນຖານເສດຖະກິດທົ່ວໂລກ.
ແປໂດຍ: ເຈິ່ນຮວ່ຽນ