ກວດກາໜ້າທີ່່ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດຢູ່ປະເທດ ລາວ
ກປ.ອອນໄລ - ວັນທີ 11 ທັນວາ, ຢູ່ເມືອງວຽງໄຊ, ແຂວງຫົວພັນ, ສປປ ລາວ, ຄະນະປະຕິບັດງານຄະນະຊີ້ນຳ 515 ທະຫານເຂດ 4 ໂດຍທ່ານພົນຈັດຕະວາ ຫງວຽນດຶກຮ໊ວາ, ຮອງຫົວໜ້າການເມືອງທະຫານເຂດ 4, ຫົວໜ້າຄະນະຊີ້ນຳ 515 ທະຫານເຂດ 4 ເປັນຫົວໜ້າຄະນະ ໄດ້ໄປກວດກາກອງທ້ອນໂຮມອັດຖິນັກຮົບ ເສຍສະຫຼະຊີວິດເພື່ອຊາດ ກອງບັນຊາການທະຫານແຂວງແທັງຮ໊ວາ ພວມປະຕິບັດໜ້າທີ່ທ້ອນໂຮມອັດຖິທະຫານອາສາສະໝັກ ແລະຊ່ຽວຊານຫວຽດນາມ ທີ່ເສຍສະຫຼະຊີວິດເພື່ອຊາດຢູ່ປະເທດ ລາວ.
ນະທີ່ນີ້, ຄະນະປະຕິບັດງານໄດ້ກວດກາພະນັກງານ, ພາລະກອນຂອງກອງທ້ອນໂຮມ ກອງບັນຊາການທະຫານແຂວງແທັງຮ໊ວາ ພວມຊອກຫາຂຸມຝັງສົບນັກຮົບເສຍສະຫຼະຊີວິດເພື່ອຊາດຢູ່ບ້ານບັກ, ເມືອງວຽງໄຊ, ແຂວງຫົວພັນ.
    |
 |
|
ໄວ້ອາໄລ ແລະປົງອັດຖິນັກຮົບເສຍສະຫຼະຊີວິດເພື່ອຊາດຢູ່ປະເທດລາວ. ພາບ: ໂຮ່ຫວຽດ. |
ຜ່ານການກວດກາ, ທ່ານພົນຈັດຕະວາ ຫງວຽນດຶກຮ໊ວາ ຍ້ອງຍໍພະນັກງານ, ພາລະກອນຂອງກອງທ້ອນໂຮມກອງບັນຊາການທະຫານແຂວງແທັງຮ໊ວາ ໄດ້ແກ້ໄຂຄວາມຫຍຸ້ງຍາກກ່ຽວກັບເງື່ອນໄຂພູມສັນຖານພູຜາປ່າດົງທຸລະກັນດານ, ອາກາດຮ້າຍແຮງ, ເງື່ອນໄຂຊອກຫາຂໍ້ມູນກ່ຽວກັບຂຸມຝັງສົບນັກຮົບເສຍສະຫຼະຊີວິດເພື່ອຊາດນັບມື້ນັບມື້ນັບປະສົບກັບຄວາມຫຍຸ້ງຍາກ, ກົມກອງໄດ້ເຮັດວຽກງານຂົນຂວາຍປະຊາຊົນ, ຊ່ວຍເຫຼືອພໍ່ແມ່ປະຊາຊົນຢູ່ບໍລິເວນແຂວງຫົວພັນ, ກວດ ແລະປິ່ນປົວພະຍາດ, ສະໜອງຢຸກຢາໂດຍບໍ່ເສຍຄ່າ, ແກ້ໄຂຜົນຮ້າຍຢ້ອນຫຼັງຈາກໄພນ້ຳຖ້ວມເປັນຢ່າງດີ; ຕັ້ງໜ້າ, ເປັນເຈົ້າການ, ສົມທົບກັບຄະນະພັກ, ອຳນາດການປົກຄອງທ້ອງຖິ່ນ, ບັນດາກົມກອງຂອງກອງທັບ, ຕຳຫຼວດ ລາວ ເຮັດວຽກງານໂຄສະນາເຜີຍແຜ່, ຂົນຂວາຍປະຊາຊົນລາວບັນດາເຜ່ົາສະໜອງຂໍ້ມູນກ່ຽວກັບຂຸມຝັງສົບນັກຮົບເສຍສະຫຼະຊີວິດເພື່ອຊາດ ເພື່ອທ້ອນໂຮມເຄື່ອນຍ້າຍກັບຄືນປະເທດ.
ໂດຍ: ແສງເດືອນ