ກໍາລັງປະກອບອາວຸດທະຫານເຂດ 3 ໄດ້ຊອກຄົ້ນ, ທ້ອນໂຮມ 70 ອັດຖິນັກຮົບເສຍສະຫຼະຊີວິດເພື່ອຊາດ
ກປ. ອອນໄລ - ໂດຍປະຕິບັດ “ແຜນຮ່າງຊອກຄົ້ນ, ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດແຕ່ນີ້ຮອດປີ 2020 ແລະຊຸມປີຕໍ່ໄປ”, ກໍາລັງປະກອບອາວຸດທະຫານເຂດ 3 ໄດ້ຊອກຄົ້ນ, ທ້ອນໂຮມ 70 ອັດຖິນັກຮົບເສຍສະຫຼະຊີວິດເພື່ອຊາດຢູ່ບໍລິເວນບັນດາແຂວງ: ຮ່ານາມ, ນິງບິ່ງ, ຖ໋າຍບິ່ງ, ຫາຍເຢືອງ; ຈັດຕັ້ງພິທີມອບ-ຮັບ ແລະສົ່ງຫຼາຍຮ້ອຍອັດຖິນັກຮົບເສຍສະຫຼະຊີວິດເພື່ອຊາດໃນປາງສົງຄາມຢູ່ ລາວ ແລະກໍາປູເຈຍ ກັບເມືອບ້ານເກີດເມືອງນອນ.
ທາງທະຫານເຂດກໍສະໜອງນັບຫຼາຍພັນຂໍ້ມູນກ່ຽວກັບນັກຮົບເສຍສະຫຼະຊີວິດເພື່ອຊາດໃຫ້ຍາດຕິພີ່ນ້ອງ, ກົມກອງທ້ອນໂຮມ ແລະປະຕິບັດສໍາເລັດໜ້າທີ່ກວດກາ, ປັບປຸງສໍາເນົາລາຍຊື່ນັກຮົບເສຍສະຫຼະຊີວິດເພື່ອຊາດ, ລະບົບຂຸມຝັງສົບນັກຮົບເສຍສະຫຼະຊີວິດເພື່ອຊາດແຕ່ຂັ້ນຕາແສງໃຫ້ສົມບູນແບບ, ສ້າງເປັນພື້ນຖານເພື່ອຄຸ້ມຄອງ, ຮັບໃຊ້ວຽກງານສ້າງແຜນທີ່ຊອກຄົ້ນ, ທ້ອນໂຮມ. ມາຮອດປັດຈຸບັນ, ກອງບັນຊາການທະຫານບັນດາແຂວງ, ນະຄອນໃນບໍລິເວນໄດ້ສົມທົບກັບທ້ອງຖິ່ນປະຕິບັດສໍາເລັດເນື້ອໃນອົບຮົມແນະນໍາສ້າງແຜນທີ່ຊອກຄົ້ນ, ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດເຖິງຂັ້ນຮາກຖານ; ສູ້ຊົນຮອດໝົດປີ 2018 ຢ່າງໜ້ອຍມີ 50% ຕາແສງ, ເທດສະບານເມືອງ ແລະ 20% ເມືອງ, ເທດສະບານແຂວງຈັດຕັ້ງກອງປະຊຸມສະຫຼຸບບໍລິເວນ.
ແປໂດຍ: ຮວ່າງເຈື່ອງ