ຄະນະຊາວໜຸ່ມ, ເຍົາວະຊົນຫວຽດນາມ ອາໄສຢູ່ 30 ປະເທດມາຖະຫວາຍທູບທຽນຢູ່ທາງສາມແຍກ ດົງລົກ
ກປ.ອອນໄລ - ວັນທີ 15 ກໍລະກົດ, ຄະນະຊາວໜຸ່ມ, ເຍົາວະຊົນຫວຽດນາມ ອາໄສຢູ່ 30 ປະເທດ ແລະເຂດແຄວ້ນ 120 ຄົນໄດ້ມາຖະຫວາຍທູບທຽນ ແລະດອກໄມ້ຢູ່ເຂດປູຊະນີຍະສະຖານທາງສາມແຍກ ດົງລົກ.
ມາຮອດທາງສາມແຍກ ດົງໂລກ, ບັນດານັກຮຽນ, ນັກສຶກສາໄດ້ເຫັນປະຈັກຕາບັນດາຮ່ອງຮອຍສົງຄາມ ແລະຮັບຟັງບັນດາວິລະກໍາພິລະອາດຫານຂອງທະຫານ ແລະປະຊາຊົນຫວຽດນາມ, ການເສຍສະຫຼະຊີວິດອັນພິລະອາດຫານຂອງຊາວໜຸ່ມຕະລຸມບອນຍິງ 10 ຄົນຢູ່ທາງສາມແຍກດົງໂລກ.
|
|
ຄະນະຊາວໜຸ່ມ, ນັກສຶກສາຫວຽດນາມ ອາໄສຢູ່ຕ່າງປະເທດມາຖະຫວາຍດອກໄມ້ຢູ່ເຂດສຸສານຊາວໜຸ່ມຕະລຸມບອນຍິງທີ່ເສຍສະຫຼະຊີວິດເພື່ອຊາດ 10 ຄົນຢູ່ເຂດປູຊະນີຍະສະຖານທາງສາມແຍກ ດົງລົກ. ພາບ: ສໍານັກຂ່າວສານຫວຽດນາມ. |
ບັນດານັກຮຽນ, ນັກສຶກສາມາຈາກ 30 ປະເທດ ແລະເຂດແຄວ້ນເຂົ້າຮ່ວມຄ້າຍພັກແລ້ງຫວຽດນາມ ປີ 2018 ທີ່ດໍາເນີນແຕ່ວັນທີ 10-25 ກໍລະກົດ.
|
|
ຄະນະຖ່າຍຮູບເປັນທີ່ລະນຶກຢູ່ອະນຸສາວະລີປະທານ ໂຮ່ຈິມິນ ຢູ່ນະຄອນ ວີງ. ພາບ: quehuongonline. |
ກ່ອນໜ້ານັ້ນ, ວັນທີ 14 ກໍລະກົດ, ຄະນະຊາວໜຸ່ມ, ເຍົາວະຊົນຫວຽດນາມ ອາໄສຢູ່ຕ່າງປະເທດໄດ້ໄປຢ້ຽມຢາມບ້ານເກີດປະທານ ໂຮ່ຈິມິນ ແລະເຂົ້າຮ່ວມບັນດາການເຄື່ອນໄຫວທີ່ມີປະໂຫຍດຫຼາຍຢ່າງ. ຄະນະໄດ້ໄປຖະຫວາຍດອກໄມ້ອາໄລຫາການນຳຜູ້ທີ່ປີຊາສາມາດຂອງຊາດຫວຽດນາມ ຢູ່ສະໜາມຫຼວງ ໂຮ່ຈິມິນ, ນະຄອນ ວີງ; ສືບຕໍ່ເດີນທາງໄປບ້ານແຊນ, ນາມດ່ານ ເຊິ່ງແມ່ນບ້ານເກີດຂອງປະທານ ໂຮ່ຈິມິນ...
|
|
ບັນດາເພື່ອນໜຸ່ມເຂົ້າຢ້ຽມຢາມເຮືອນຂອງປະທານ ໂຮ່ຈິມິນ ຢູ່ບ້ານ ແຊນ. ພາບ: quehuongonline. |
ເນື່ອງໃນໂອກາດນີ້, ຄະນະໄດ້ໄປຢ້ຽມຢາມ ແລະມອບຂອງຂວັນ 10 ພູດໃຫ້ແມ່ຫວຽດນາມວິລະຊົນ 2 ຄົນ ແລະ 8 ຄອບຄົວຜູ້ມີຄຸນງາມຄວາມດີຕໍ່ການປະຕິວັດໃນບໍລິເວນນະຄອນ ວີງ, ຂອງຂວັນແຕ່ລະພູດມີມູນຄ່າ 2 ລ້ານດົ່ງ.
ແປໂດຍ: ຫງວຽນກຸກ