ແຜ່ນສີລາລຶກໄຊຊະນະກໍາປັ່ນອາເມລິກາເທິງແມ່ນໍ້າ ແຣກຣ້ວງ ໂດຍທ່ານ ຫງວຽນແອວງ ເປັນຜູ້ອອກແບບ. ກິດຈະກໍານີ້ໄດ້ຮັບການລົງທຶນກໍ່ສ້າງໃນເນື້ອທີ່ 2000 ຕາແມັດ ຢູ່ຕາແສງ ເຕີນຮຶງ, ເມືອງ ກ໋າຍແບ່ (ແຂວງ ຕ່ຽນຢາງ) ດ້ວຍບັນດາກິດຈະກຳຍ່ອຍຄື: ຮູບປັ້ນກໍ່ສ້າງດ້ວຍເປຕົງເສີມເຫຼັກສູງ 8 ແມັດ, ທາສີຄ້າຍຄືຫີນ; ສັນຍາລັກ, ພາບຄວັດສະຫຼັກນູນ, ຂໍ້ມູນເອກະສານທີ່ໄດ້ສະຫຼັກເທິງສີລາ; ຮົ້ວ; ລະບົບໄຟຟ້າແສງສະຫວ່າງ... ກິດຈະກໍາເຫຼົ່ານີ້ໂດຍພະແນກວັດທະນະທໍາ, ກິລາ ແລະທ່ອງທ່ຽວ ແຂວງ ດົ່ງຖ໋າບ ເປັນຜູ້ຮັບເໝົາດ້ວຍມູນຄ່າການກໍ່ສ້າງເກືອບ 5 ຕື້ດົ່ງ, ຈາກງົບປະມານແຫ່ງລັດ.

ເລື່ອງກໍ່ສ້າງແຜ່ນສີລາລຶກໄຊຊະນະກໍາປັ່ນອາເມລິກາເທິງແມ່ນໍ້າ ແຣກຣ້ວງ  37 ລໍາ ແມ່ນເພື່ອແນໃສ່ສ້າງຂີດໝາຍມູນເຊື້ອການປະຕິວັດອັນສະຫງ່າອົງອາດ, ນໍ້າໃຈຕໍ່ສູ້ພິລະອາດຫານ ແລະອົງອາດກ້າແກ່ນຂອງພະນັກງານ, ນັກຮົບກອງພັນ 502 ແຂວງ ກ໋ຽນຟອງ (ປັດຈຸບັນແມ່ນແຂວງ ດົ່ງຖ໋າບ); ພ້ອມທັງສຶກສາມູນເຊື້ອການປະຕິວັດໃຫ້ແກ່ຄົນຮຸ່ນໜຸ່ມໃນປັດຈຸບັນ ແລະອະນາຄົດ.

leftcenterrightdel
 ແຜ່ນສີລາລຶກໄຊຊະນະກໍາປັ່ນອາເມລິກາເທິງແມ່ນໍ້າ ແຣກຣ້ວງ 37  ລໍາ. ພາບ: tienphong.vn 

ທີ່ພິທີ, ທ່ານ ດວ່ານເຕິ໋ນບຶວ ຮອງປະທານຄະນະກຳມະການປະຊາຊົນແຂວງ ດົງຖາບ ໄດ້ຫວນຄືນມູນເຊື້ອອົງອາດກ້າແກ່ນ, ບໍ່ຍອມຈໍານົນຂອງກອງພັນ 502 ໃນບັ້ນສູ້ຮົບເທິງແມ່ນໍ້າ ແຣກຣ້ວງ ດັບສູນກໍາປັ່ນອາເມລິກາ 37 ລໍາ ແລະສັດຕູ 500 ກວ່າຄົນ.

ວັນທີ 4 ທັນວາ 1967, ເທິງແມ່ນໍ້າ ແຣກຣ້ວງ ຂຶ້ນກັບຕາແສງ ເຕີນຮຶງ, ເມືອງ ກ໋າຍແບ່, ແຂວງ ຕ່ຽນຢາງ, ກອງພັນ 502 ແລະກໍາລັງທ້ອງຖິ່ນເມືອງ ກາວແລ້ງ ແຂວງ ກ໋ຽນຟອງ ເຮັດໃຫ້ການເຄື່ອນທັບປະສົມຂອງບັນດາກໍາລັງທະຫານບົກ, ທະຫານເຮືອສູ້ຮົບເທິງບົກ, ທະຫານເຮືອ ແລະທະຫານອາກາດ ອາເມລິກາ-ຮຸ່ນໄຊງ່ອນ ຖືກປະລາໄຊ; ດັບສູນກໍາລັງສັດຕູ, ທໍາລາຍສິລະປະຍຸດ “ກອງເຮືອຮົບນ້ອຍເທິງແມ່ນໍ້າ” ໂດຍຈັກກະພັດອາເມລິກາຜັນຂະຫຍາຍຢູ່ເຂດທົ່ງພຽງແມ່ນໍ້າຂອງ; ເຮັດໃຫ້ເຈດຕະນາຊອກຂ້າ ແລະບຸກເລິກ, ຢຶດເອົາ ດົ່ງຖ໋າບເມື່ອຍ ຂອງອາເມລິກາ-ຮຸ່ນໄຊງ່ອນ ຖືກປະລາໄຊ. ນີ້ແມ່ນບັ້ນຮົບຕີໄຊຊະນະ ອາເມລິກາ ໃຫຍ່ທີ່ສຸດ, ດ້ວຍປະສິດທິພາບສູງສຸດຂອງກອງພັນ 502.

ໃນບັ້ນສູ້ຮົບນັ້ນມີວິລະຊົນດີເດັ່ນຫຼາຍທ່ານ ໃນນັ້ນດີເດັ່ນທີ່ສຸດແມ່ນນັກວິລະຊົນກໍາລັງປະກອບອາວຸດ ຫງວຽນມິງຈີ້ ເຊິ່ງເປັນນັກຍິງປືນປະເພດ B41, ເພິ່ນຍິງກະສູນ 9 ນັດຕິດຕໍ່ກັນ, ທໍາລາຍກໍາປັ່ນຂອງສັດຕູ 7 ລໍາ...

ຕໍ່ຈາກນັ້ນ, ກອງພັນ 502 ຍັງຕໍ່ສູ້, ປະກອບສ່ວນຕີໄຊຊະນະສົງຄາມຊາຍແດນຢູ່ທິດຕາເວັນຕົກພາກໃຕ້ຢ່າງພິລະອາດຫານ.

ແປໂດຍ: ຮວ່າງເຈື່ອງ