ເປີດສະຫຼອງອະນຸສາວະລີມິດຕະພາບຫວຽດນາມ - ກໍາປູເຈຍ ຢູ່ແຂວງ Koh Kong
ກປ.ອອນໄລ - ວັນທີ 16 ຕຸລາ, ພິທີເປີດສະຫຼອງອະນຸສາວະລີມິດຕະພາບ ຫວຽດນາມ - ກໍາປູເຈຍ ໄດ້ຈັດຕັ້ງຢູ່ນະຄອນ Khemara Phoumin, ແຂວງ Koh Kong, ຫ່າງຈາກນະຄອນຫຼວງ ພະນົມເປັນ ໄປທາງທິດຕາເວັນຕົກປະມານ 300 ກິໂລແມັດຢ່າງສະຫງ່າຜ່າເຜີຍ.
ນີ້ແມ່ນອະນຸສາວະລີມິດຕະພາບທີ 9 ເຊິ່ງໄດ້ສໍາເລັດວຽກງານບູລະນະປະຕິສັງຂອນຕາມໂຄງການບູລະນະປະຕິສັງຂອນອະນຸສາວະລີມິດຕະພາບ 17 ແຫ່ງໃນຜືນແຜ່ນດິນ ກໍາປູເຈຍ ໂດຍກະຊວງປ້ອງກັນປະເທດຫວຽດນາມ ອຸປະຖຳ.
ພິທີຕັດແຖບຜ້າສໍາເລັດການບູລະນະປະຕິສັງຂອນອະນຸສາວະລີມິດຕະພາບ ຫວຽດນາມ - ກໍາປູເຈຍ ຢູ່ ແຂວງ Koh Kong. ພາບ: vov.vn
ກ່າວຄໍາເຫັນທີ່ພິທີ, ທ່ານ Nhem Valy, ລັດຖະມົນຕີຮັບຜິດຊອບກະຊວງພິທີການ ແລະສາສະໜາທັງເປັນເລຂາທິການໃຫຍ່ສະພາແນວໂຮມສາມັກຄີພັດທະນາປະເທດ ກຳປູເຈຍ ຢັ້ງຢືນວ່າ, ອະນຸສາວະລີມິດຕະພາບຫວຽດນາມ - ກໍາປູເຈຍ ບໍ່ພຽງແຕ່ແມ່ນສະຖານທີ່ຈົດຈໍາຄຸນງາມຄວາມດີຂອງບັນດາຊາວ ກໍາປູເຈຍ ຜູ້ຮັກຊາດ ແລະທະຫານອາສາສະໝັກຫວຽດນາມ ທີ່ໄດ້ເສຍສະຫຼະຊີວິດໃນພາລະກິດປົດປ່ອຍປະເທດ ກໍາປູເຈຍ ເທົ່ານັ້ນ, ຫາກຍັງເປັນສັນຍາລັກແຫ່ງການຢືນຍົງຄົງຕົວຂອງສາຍພົວພັນສາມັກຄີ, ມິດຕະພາບ, ຄວາມສະໜິດຕິດພັນທີ່ມີມາແຕ່ດົນນານລະຫວ່າງສອງປະເທດ, ສອງຊາດຖານບ້ານໃກ້ເຮືອນຄຽງ ຫວຽດນາມ - ກໍາປູເຈຍ.
ແປໂດຍ: ເຈິ່ນຮວ່ຽນ