ເປີດສະຫຼອງອານຸສາວະລີມິດຕະພາບ ຫວຽດນາມ-ກໍາປູເຈຍ
ກປ.ອອນໄລ - ວັນທີ 4 ມັງກອນ, ພິທີເປີດສະຫຼອງອານຸສາວະລີມິດຕະພາບ ຫວຽດນາມ-ກໍາປູເຈຍ ແລະສວນດອກໄມ້ Domray Chonkhala ໄດ້ຮັບການຈັດຕັ້ງຢູ່ແຂວງ Kompong Thom, ລາຊະອານາຈັກ ກໍາປູເຈຍ.
ຄະນະຜູ້ແທນຂັ້ນສູງຂອງກະຊວງປ້ອງກັນປະເທດ ຫວຽດນາມ ນໍາໂດຍທ່ານພົນຕີ ໂດກັນ, ຮອງຫົວໜ້າກົມໃຫຍ່ການເມືອງກອງທັບປະຊາຊົນ ຫວຽດນາມ ເປັນຫົວໜ້າຄະນະໄດ້ໄປຢ້ຽມຢາມ ແລະຕັດແຖບຜ້າເປີດສະຫຼອງ.
ທ່ານພົນຕີ ໂດກັນ ໃຫ້ຮູ້ວ່າ: ອານຸສາວະລີມິດຕະພາບ ຫວຽດນາມ-ກໍາປູເຈຍ ໄດ້ຮັບການກໍ່ສ້າງ, ສ້ອມແປງ, ບູລະນະປະຕິສັງຂອນຢູ່ຫຼາຍແຂວງ, ນະຄອນຂອງ ລາຊະອານາຈັກ ກໍາປູເຈຍ; ແມ່ນບັນດາກິດຈະກໍາທີ່ມີຄຸນຄ່າປະຫວັດສາດ, ວັດທະນະທໍາຢ່າງເລິກເຊິ່ງ; ເປັນສັນຍາລັກທີ່ມີຊີວິດຊີວາກ່ຽວກັບອາລົມຈິດ, ນໍ້າໃຈສາມັກຄີ, ຄວາມພິລະອາດຫານ, ການເສຍສະຫຼະຊີວິດຂອງກອງທັບ ແລະປະຊາຊົນສອງປະເທດ ຫວຽດນາມ-ກໍາປູເຈຍ. ສະແດງໃຫ້ເຫັນຄວາມຮູ້ບຸນຄຸນຂອງລັດ, ປະຊາຊົນ ແລະກອງທັບສອງປະເທດທີ່ມີຕໍ່ວິລະຊົນ, ທະຫານອາສາສະໝັກ ຫວຽດນາມ ແລະພະນັກງານ, ນັກຮົບກອງທັບ ລາຊະອານາຈັກ ກໍາປູເຈຍ ທີ່ໄດ້ເສຍສະຫຼະຊີວິດເພື່ອເອກະລາດ, ເສລີພາບຂອງຊາດ, ເພື່ອການພັດທະນາສີວິໄລຂອງປະຊາຊົນສອງປະເທດ.
ອານຸສາວະລີມິດຕະພາບ ຫວຽດນາມ-ກໍາປູເຈຍ ຢູ່ແຂວງ Kompong Thom ຮັບການບູລະນະປະຕິສັງຂອນແຕ່ປີ 2016 ແລະເປີດສະຫຼອງກົງກັບໂອກາດປະຊາຊົນ ກໍາປູເຈຍ ສະເຫຼີມສະຫຼອງ 38 ປີແຫ່ງວັນໄຊຊະນະຕໍ່ລະບອບດັບສູນເຊື້ອຊາດ Pol Pot, ປົດປ່ອຍປະເທດຊາດອອກຈາກໄພດັບສູນເຊື້ອຊາດ.
ແປໂດຍ: ຈາງຫງວຽນ