ຈີນ, ອາເມລິກາ ປຶກສາຫາລືກ່ຽວກັບການຍົກເລີກພາສີເພີ່ມເຕີມທັງໝົດ
ວັນທີ 9 ມີນາ, ທ່ານຮອງລັດຖະມົນຕີກະຊວງການຄ້າຈີນ ຫວາງເສົາຫວີນ ໃຫ້ຮູ້ວ່າ, ປະເທດນີ້ພວມເຈລະຈາກັບອາເມລິກາ ກ່ຽວກັບຂໍ້ຕົກລົງຍົກເລີກບັນດາປະເພດພາສີເພີ່ມເຕີມທັດໝົດ ເຊິ່ງ 2 ຝ່າຍໄດ້ຈັດວາງສຳລັບສິນຄ້າຂອງກັນໃນສະພາບການຂັດແຍ້ງດ້ານການຄ້າ.
ກ່າວຄຳເຫັນຢູ່ນອກກອງປະຊຸມປະຈຳປີ ຂອງກອງປະຊຸມໃຫຍ່ສະພາແຫ່ງຊາດ ພວມດຳເນີນຢູ່ປັກກິ່ງ, ທ່ານຮອງລັດຖະມົນຕີ ຫວາງເສົາຫວີນ ຖືວ່າ, ເລື່ອງເພີ່ມອັດຕາພາສີໄດ້ກໍ່ຄວາມເສຍຫາຍເຖິງຜົນປະໂຫຍດດ້ານເສດຖະກິດຂອງທັງຈີນ ແລະອາເມລິກາ ແລະທົ່ວໂລກ. ທ່ານຢືນຢັນວ່າ, ທັງສອງຝ່າຍຕ້ອງບັນລຸໄດ້ຂໍ້ຕົກລົງເພື່ອລົບລ້າງພາສີອາກອນເພີ່ມເຕີ່ມທັງໝົດທີ່ພວມຈັດວາງໃຫ້ກັນ, ຈາກນັ້ນເຮັດໃຫ້ການພົວພັນສອງຝ່າຍກັບຄືນສູ່ສະພາບປົກກະຕິ. ທ່ານກໍ່ເນັ້ນໜັກວ່າ, ບໍ່ວ່າກົນໄກປະຕິບັດໃດໆກໍ່ລ້ວນແຕ່ “ຕ້ອງມີສອງສົ້ນ, ມີຄວາມຍຸດຕິທຳ ແລະສະເໝີພາບ.”
ກ່ອນໜ້ານັ້ນ, ກ່າວຄຳເຫັນຕໍ່ນັກຂ່າວຢູ່ທຳນຽບຂາວ, ທ່ານປະທານາທິບໍດີອາເມລິກາ Donald Trump ໄດ້ສະແດງຄວາມປະເອີບໃຈຕໍ່ເລື່ອງບັນລຸໄດ້ຂໍ້ຕົກລົງດ້ານການຄ້າກັບຈີນ, ເຖິງຢ່າງໃດກໍ່ຕາມ, ທ່ານ D.Trump ຖະແຫຼງວ່າຈະບໍ່ລົງນາມຖ້າຫາກຂໍ້ຕົກລົງນັ້ນບໍ່ສ້າງຜົນປະໂຫຍດໃຫ້ແກ່ອາເມລິກາ.
ແຫຼ່ງຄັດຈາກ: vovworld.vn