ຈີນ ສົ່ງຍານສຳຫຼວດດວງຈັນ “ຊາງເອີ ເລກ 4 ” ຢ່າງສຳເລັດຜົນ
ຕາມແຫຼ່ງຂ່າວຂອງຈີນ ເວລາ 2 ໂມງ 23 ນາທີ ຂອງວັນທີ 8 ທັນວານີ້ ຈີນໄດ້ສົ່ງຍານສຳຫຼວດດວງຈັນ “ຊາງເອີ ເລກ 4 ” ດ້ວຍຈະຫຼວດຍານສົ່ງ “ຊາງເຈິງ ເລກ 3” ຂຶ້ນສູ່ອາວະກາດຢ່າງສຳເລັດຜົນຢູ່ທີ່ສູນຍິງສົ່ງດາວທຽມຊີຊາງຂອງ ຈີນ ຊຶ່ງໄດ້ລິເລີ່ມຂະບວນການໃໝ່ແຫ່ງການສຳຫຼວດດວງຈັນ.
ພາຍຫຼັງໄດ້ຖືກສົ່ງຂຶ້ນສູ່ອາວະກາດແລ້ວຍານສຳຫຼວດດວງຈັນ “ຊາງເອີ ເລກ 4” ຈະຜ່ານການຈາກວົງໂຄຈອນໜ່ວຍໂລກຫັນປ່ຽນເຂົ້າໄປສູ່ໂຄຈອນດວງຈັນຢຸດນິ້ງຢູ່ຕາມວົງໂຄຈອນດວງຈັນ ແລະບິນອ້ອມດວງຈັນແລ້ວລົງຈອດຢູ່ໜ້າດິນຂອງເບື້ອງຫຼັງດວງຈັນ ຊຶ່ງເປັນຄັ້ງທຳອິດຂອງມະນຸດ ເພື່ອດຳເນີນການສຳຫຼວດຈຸດທີ່ກຳນົດໄວ້ ແລະສຳຫຼວດແບບທົ່ວໄປຢູ່ເບື້ອງຫຼັງຂອງດວງຈັນທັງຈະບັນລຸການສື່ສານລະຫວ່າງໜ່ວຍໂລກກັບເບື້ອງຫຼັງຂອງດວງຈັນໂດຍຜ່ານດາວທຽມຕໍ່ສັນຍານ “ຊຸ້ຍຊຽວ” ທີ່ກຳລັງຢູ່ໃນວົງໂຄຈອນຂອງມັນເອງ.
    |
 |
|
ພາບປະກອບຈາກ: ສຳນັກຂ່າວສານຫວຽດນາມ. |
ໃນໂຄງການຍານສຳຫຼວດດວງຈັນ “ຊາງເອີ ເລກ 4 ” ຄັ້ງນີ້ ຈີນໄດ້ຮ່ວມມືດ້ານວິທະຍາສາດກັບສີ່ປະເທດ ໄດ້ແກ່ໂຮນລັງ, ເຢຍລະມັນ, ຊູແອດ ແລະອາຣາບີ ຊາອຸດິດ. ໂຄງການດັ່ງກ່າວໄດ້ເລີ່ມປະຕິບັດຢ່າງເປັນທາງການນັບແຕ່ເດືອນມັງກອນ 2016 ເປັນຕົ້ນມາ ລວມມີໜ້າທີ່ 2 ຢ່າງຄືການຍິງສົ່ງດາວທຽມຕໍ່ສັນຍານ ແລະຍານສຳຫຼວດດວງຈັນ ຊຶ່ງການຍິງສົ່ງດາວທຽມຕໍ່ສັນຍານ “ຊຸ້ຍຊຽວ” ໄດ້ສຳເລັດໃນວັນທີ 21 ພຶດສະພາ 2018 ແລະດາວທຽມດັ່ງກ່າວໄດ້ເຂົ້າສູ່ວົງໂຄຈອນທີ່ກຳນົດໄວ້ປັດຈຸບັນສະພາບໝູນເດີນຂອງດາວທຽມນີ້ເປັນໄປປົກກະຕິ.
ຂ່າວ: ວຽງຈັນໃໝ່