ຕວກກີຖືວ່ານັກຂ່າວ Khashoggi ຖືກສັງຫານແມ່ນຢູ່ໃນ “ແຜນການອັນໂຫດຮ້າຍ”
ວັນທີ 22 ຕຸລາ, ທ່ານ Omer Celik, ໂຄສົກຂອງພັກຍຸດຕິທຳ ແລະພັດທະນາ (AK) ກຳອຳນາດຂອງຕວກກີ ຖືວ່າ, ເລື່ອງເສຍຊີວິດທີ່ກໍ່ໃຫ້ເກີດການໂຕ້ຖຽງກັນຂອງນັກຂ່າວ ຊະອຸດີ ອາຣາເບຍ Jamal Khashoggi ແມ່ນເຫດສັງຫານທີ່ສັບສົນ ແລະໄດ້ “ສ້າງແຜນການຢ່າງໂຫດຮ້າຍ”.
ກ່າວຄຳເຫັນຕໍ່ວົງການນັກຂ່າວຢູ່ອານກາຣາ, ທ່ານ Celik ເນັ້ນໜັກວ່າ “ຂາດຄຸນສົມບັດ” ເມື່ອມີການກ່າວຫາວ່າ ຕວກກີ ແລະຊະອຸດີ ອາຣາເບຍ ດຳເນີນການເຈລະຈາຄືດັ່ງສ່ວນໜຶ່ງໃນການສືບສວນກ່ຽວກັບການເສຍຊີວິດຂອງນັກຂ່າວ Khashoggi, ພ້ອມທັງເວົ້າວ່າ, ອານກາຣາ ມີຄວາມຮັບຜິດຊອບໃນການຊອກຫາມູນຄວາມຈິງຂອງເຫດການນີ້.
|
|
ຕວກກີຖືວ່ານັກຂ່າວ Khashoggi ຖືກສັງຫານແມ່ນຢູ່ໃນ “ແຜນການອັນໂຫດຮ້າຍ”. ພາບ: AFP/TTXVN. |
ແລະກໍ່ໃນວັນດຽວກັນ, ທີ່ປຶກສາຂອງປະທານາທິບໍດີຕວກກີ ທ່ານໜຶ່ງໄດ້ປະຕິເສດຄຳຢືນຢັນຂອງ Riyadh ທີ່ວ່າ, ນັກຂ່າວ Khashoggi ຖືກເສຍຊີວິດຍ້ອນເຫດວິວາດຕີກັນ ແລະຖືວ່າຄຳອະທິບາຍນີ້ແມ່ນ “ຖືເບົາ” ຫາງສຽງຂອງໂລກ, ໃນສະພາບຄວາມລະແວງສົງໄສຂອງຝ່າຍຕາເວັນຕົກກ່ຽວກັບບັນດາຄຳອະທິບາຍທີ່ແຕກຕ່າງກັນຂອງຊະອຸດີ ອາຣາເບຍ ເຊິ່ງກ່ຽວຂ້ອງເຖິງການເສຍຊີສິດຂອງນັກຂ່າວ Khashoggi ນັບມື້ນັບເລິກເຊິ່ງ.
ໃນປະຕິກິລິຍາຫຼ້າສຸດ, ວັນທີ 22 ຕຸລາ, ທ່ານລັດຖະມົນຕີການຕ່າງປະເທດຝລັ່ງ Jean Yves Le Drian ຖືວ່າ, ຄວນສືບສວນເພື່ອເຮັດແຈ້ງກ່ຽວກັບການເສຍຊີວິດຂອງນັກຂ່າວ Khashoggi. ສ່ວນເຢຍລະມັນ ກ່ອນໜ້ານັ້ນໄດ້ຖະແຫຼງວ່າຢາກຢຸດຕິການສົ່ງອອກອາວຸດໄປຍັງ ຊະອຸດີ ອາຣາເບຍ.
ແຫຼ່ງຄັດຈາກ: vovworld