ສີລັງກາ ແອຣລາຍ ຄອງຕຳແໜ່ງສາຍການບິນຕົງຕໍ່ເວລາຫຼາຍທີ່ສຸດໃນໂລກ
ຕາມຂ່າວຕ່າງປະເທດ, ອ້າງຕາມຂໍ້ມູນຂອງ Flightstats ບໍລິສັດວິເຄາະຂໍ້ມູນດ້ານ ການບິນເປີດເຜີຍຜົນສຳຫຼວດລ້າສຸດໃນເດືອນກັນຍາ ລະບຸວ່າ: ສີລັງກາ ແອຣລາຍ ໄດ້ຮັບຄັດເລືອກໃຫ້ເປັນສາຍການບິນຕົງຕໍ່ເວລາຫຼາຍທີ່ສຸດໃນໂລກຈາກ 41 ສາຍການບິນທົ່ວໂລກ.
ຜົນການສຳຫຼວດດັ່ງກ່າວຈັດຢູ່ໃນໝວດສາຍການບິນຂະໜາດໃຫຍ່ ແລະມີຊື່ສຽງຫລາຍທີ່ສຸດໃນໂລກຈາກ ເອີຣົບ, ອາເມລິກາເໜືອ, ອາເມລິກາໃຕ້ ແລະຕາເວັນອອກກາງ. ຖ້ຽວບິນຂອງສີລັງກາ ແອຣລາຍ ຖືກຕ້ອງຕາມເວລາທີ່ສຸດໃນໂລກເຖິງ 91,37%, ຖັດມາແມ່ນ ເດລຕາແອຣລາຍ ເປັນສາຍການບິນຂອງ ສ.ອາເມລິກາ ຢູ່ທີ 86,7% ແລະ ອັນດັບ 3 ຍີ່ປຸ່ນ ເອເອັນເອ ຢູ່ທີ 86,6%.
ຂ່າວ: ຂປລ