ລັດເຊຍ ເພີ່ມທະວີການທະຫານຢູ່ ທະເລເມດີແຕລາເນ
ກປ.ອອນໄລ - ວັນທີ 28 ສິງຫາ, ສື່ມວນຊົນລັດເຊຍ ໃຫ້ຮູ້ວ່າ, ມົດສະກູ ພວມເພີ່ມທະວີການທະຫານຢູ່ທະເລເມດີແຕລາເນ, ພາກພື້ນຢູ່ໃກ້ກັບ ຊີຣີ, ໃນສະພາບການມີບັນດາຂ່າວທີ່ຂຽນກ່ຽວກັບຄວາມສາມາດທີ່ ອາເມລິກາ, ອັງກິດ, ຝະລັ່ງ ຈະບຸກໂຈມມີ ຊີຣີ.
ໜັງສືພິມລາຍວັນຂອງລັດເຊຍ Kommersant ໄດ້ຄັດສະເໜີບັນດາແຫຼ່ງຂ່າວທີ່ບໍ່ເຜີຍຊື່ໂດຍໃຫ້ຮູ້ວ່າ ລັດເຊຍ ໄດ້ຜັນຂະຫຍາຍກຳປັ່ນຮົບ 2 ລຳ ແລະເພີ່ມ 1 ລະບົບລູກສອນໄຟປ້ອງກັນອາກາດຕື່ມອີກເຖິງທະເລເມດີແຕລາເນໃນເດືອນສິງຫານີ້. ໜັງສືພິມ Izremia ໃຫ້ຮູ້ວ່າ, ລັດເຊຍ ມີກຳປັ່ນຮົບ 10 ລຳ ແລະກຳປັ່ນດຳນ້ຳ 2 ລຳຢູ່ເຂດທະເລ ຊີຣີ ໃນປັດຈຸບັນ, ພ້ອມທັງຢືນຢັນວ່າການມີໜ້າຂອງທະຫານ ມົດສະກູ ຢູ່ທີ່ນີ້ແມ່ນຫຼາຍທີ່ສຸດນັບແຕ່ເມື່ອເຂົ້າຮ່ວມໃນການປະທະກັນຢູ່ຊີຣີ ໃນປີ 2015.
ໂດຍ: ທູຮັ່ງ