ໄຂກອງປະຊຸມເຈົ້າໜ້າທີ່ອາວຸໂສຂະບວນການບໍ່ຮ່ວມກຸ່ມ
ກປ.ອອນໄລ - ໃນລະຫວ່າງວັນທີ 3-4 ເມສາ, ທີ່ນະຄອນຫຼວງ ບາກູ, ປະເທດ ອາແຊກໄບຈານ ໄດ້ດຳເນີນກອງປະຊຸມເຈົ້າໜ້າທີ່ອາວຸໂສ (SOM) ຂະບວນການບໍ່ຮ່ວມກຸ່ມເພື່ອກະກຽມໃຫ້ກອງປະຊຸມລັດຖະມົນຕີກາງສະໄໝ ຄັ້ງທີ 18 ຂະບວນການບໍ່ຮ່ວມກຸ່ມຈະໄດ້ຈັດຕັ້ງໃນລະຫວ່າງວັນທີ 5-6 ເມສາ 2018.
ທ່ານນາງ ຫງວຽນເຟືອງງາ ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສະຫະປະຊາຊາດ, ນຳໜ້າຄະນະຫວຽດນາມ ເຂົ້າຮ່ວມກອງປະຊຸມ SOM.
    |
 |
|
ທ່ານນາງ ຫງວຽນເຟືອງງາ ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສະຫະປະຊາຊາດ ກ່າວຄຳເຫັນທີ່ກອງປະຊຸມ. ພາບ: ສຳນັກຂ່າວສານຫວຽດນາມ |
ກ່າວຄຳເຫັນໄຂກອງປະຊຸມ, ເວເນຊູເອລາ, ປະທານຂະບວນການບໍ່ຮ່ວມກຸ່ມ ຮຽກຮ້ອງເພີ່ມທະວີຄວາມສາມັກຄີ, ເອກະພາບ, ເສີມຂະຫຍາຍບົດບາດຕັ້ງໜ້າຂອງຂະບວນການໃນການກໍ່ສ້າງໂລກໃໝ່, ມີຄວາມສະເໝີພາບ, ປະຊາທິປະໄຕກວ່າອີກ, ຮັບປະກັນຜົນປະໂຫຍດຂອງບັນດາປະເທດພວມພັດທະນາ.
ບັນດາເຈົ້າໜ້າທີ່ອາວຸໂສໄດ້ປຶກສາຫາລືບັນດາເນື້ອໃນສຳຄັນຂອງຮ່າງເອກະສານສະບັບສຸດທ້າຍທີ່ຈະຍື່ນສະເໜີຕໍ່ກອງປະຊຸມຂັ້ນລັດຖະມົນຕີພິຈາລະນາ, ຮັບຮອງເອົາດ້ວຍບັນດາເນື້ອໃນສຳຄັນ ຄື: ການປະຕິບັດບັນດາໂຄງການດຳເນີນງານໃຫຍ່ຂອງສະຫະປະຊາຊາດ, ບັນດາບັນຫາກ່ຽວກັບຄວາມໝັ້ນຄົງ ແລະຫຼຸດຜ່ອນອາວຸດ, ກົດໝາຍສາກົນ, ແກ້ໄຂບັນດາຂໍ້ຂັດແຍ່ງກັນໂດຍສັນຕິວິທີ, ຮັກສາສັນຕິພາບ…
ແປໂດຍ: ຮຸຍດົງ