ອາຊຽນ ເພີ່ມທະວີການຮ່ວມມືທາງການຄ້າກັບກຸ່ມຢູເຣເຊຍ
ຕາມຂ່າວຕ່າງປະເທດ, ຂໍ້ຕົກລົງສົ່ງເສີມການຮ່ວມມືທາງການຄ້າລະຫວ່າງອາຊຽນ ກັບສະຫະພາບເສດຖະກິດ ຢູເຣເຊຍ ມຸ້ງເນັ້ນການຍົກລະດັບຂະບວນການດ້ານພາສີ ແລະ ການອຳນວຍຄວາມສະດວກທາງການຄ້າລະຫວ່າງກັນ.
ໃນວັນທີ 15 ພະຈິກປີນີ້ຫລັງຈາກທ່ານ ລິ້ມຈ໋ອກຮອຍ, ເລຂາທິການສະມາຄົມປະຊາຊາດແຫ່ງອາຊີຕາເວັນອອກສ່ຽງໃຕ້ (ອາຊຽນ) ແລະທ່ານ ຕີກຣານ ຊາກຊຽນ, ປະທານຝ່າຍບໍລິຫານຂອງສະຫະພາບເສດຖະກິດຢູເຣເຊຍ (ອີເອອີຢູ) ລົງນາມຮ່ວມກັນໃນບົດບັນທຶກຄວາມເຂົ້າໃຈດ້ານການຮ່ວມມືທາງການຄ້າລະຫວ່າງກອງປະຊຸມອາຊຽນ+ຣັດເຊຍ ຄັ້ງທີ 3 ໂດຍມີຜູ້ນຳ 10 ປະເທດ ອາຊຽນ ແລະທ່ານ ວາລາດີເມຍປູຕິນ, ປະທານາທິບໍດີຣັດເຊຍ ເຂົ້າຮ່ວມເປັນສັກຄີພິຍານຢ່າງເປັນທາງການ./.
ຂ່າວ: ຂປລ