ວຽກງານກະກຽມໃຫ້ແກ່ສັບປະດາຂັ້ນສູງ APEC 2018 ໄດ້ປະຕິບັດສໍາເລັດ
ກປ.ອອນໄລ - ໃນລະຫວ່າງວັນທີ 12 - 13 ພະຈິກ, ຢູ່ນະຄອນຫຼວງ Port Moresby, ປາປົວນິວກີເນ ໄດ້ດໍາເນີນກອງປະຊຸມສະຫຼຸບບັນດາເຈົ້າໜ້າທີ່ອາວຸໂສຂອງເວທີປາໄສຮ່ວມມືເສດຖະກິດອາຊີ - ປາຊີຟິກ (APEC). ນີ້ແມ່ນກອງປະຊຸມເປີດສາກໃຫ້ບັນດາເຫດການສໍາຄັນຂອງສັບປະດາຂັ້ນສູງ APEC ຄັ້ງທີ 26 ເຊິ່ງດໍາເນີນໃນລະຫວ່າງວັນທີ 12-18 ພະຈິກ.
|
|
ກອງປະຊຸມສະຫຼຸບບັນດາເຈົ້າໜ້າທີ່ອາວຸໂສ APEC. ພາບ: ກະຊວງການຕ່າງປະເທດຫວຽດນາມ. |
ກອງປະຊຸມໄດ້ສຸມໃສ່ຕີລາຄາເລື່ອງຜັນຂະຫຍາຍບັນດາໝາກຜົນຂອງປີ APEC 2017, ພົ້ນເດັ່ນແມ່ນຊຸກຍູ້ການເຕີບໂຕກວມລວມທາງດ້ານເສດຖະກິດ, ການເງິນ, ສັງຄົມ, ພັດທະນາແຫຼ່ງຊັບພະຍາກອນມະນຸດໃນສັງກາດດີຈິຕອນ, ການຄ້າເອເລັກໂຕນິກ, ໜູນຊ່ວຍວິສາຫະກິດຂະໜາດກາງ ແລະຂະໜາດນ້ອຍເຂົ້າຮ່ວມລະບົບມູນຄ່າທົ່ວໂລກ, ສ້າງວິໄສທັດ APEC ພາຍຫຼັງ ປີ 2020... ກອງປະຊຸມກໍ່ໄດ້ປຶກສາຫາລືບັນດາບຸລິມະສິດຂອງການຮ່ວມມື APEC ປີ 2018 ບົນເນື້ອໃນຈິດໃຈຂອງຫົວຂໍ້ທີ່ວ່າ “ໝູນໃຊ້ບັນດາກາລະໂອກາດກວມລວມ, ເສີມຂະຫຍາຍອະນາຄົດດີຈິີຕອນ” ເພື່ອແນໃສ່ເພີ່ມທະວີການຮ່ວມສໍາພັນດ້ານເສດຖະກິດໃນພາກພື້ນ, ເຊື່ອມຕໍ່ຮອບດ້ານ, ປ່ຽນແປງໃໝ່ຢ່າງມີຫົວຄິດປະດິດສ້າງ, ຊຸກຍູ້ເສດຖະກິດທາງອິນເຕີແນັດ ແລະເສດຖະກິດດີຈິຕອນ, ຫັນປ່ຽນຮູບແບບການເຕີບໂຕ, ປະຕິຮູບໂຄງປະກອບ...
ໂດຍ: ທູຈາງ