ອາຊຽນເພີ່ມທະວີຄວາມສາມັກຄີຮັບມືກັບບັນດາສິ່ງທ້າທາຍດ້ານຄວາມໝັ້ນຄົງ
ວັນທີ 13 ພະຈິກ, ທີ່ສິງກະໂປ, ທ່ານ ຟ້າມບິ່ງມິງ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ໄດ້ນໍາໜ້າຄະນະຜູ້ແທນຫວຽດນາມ ເຂົ້າຮ່ວມກອງປະຊຸມສະພາປະຊາຄົມການເມືອງ - ຄວາມໝັ້ນຄົງອາຊຽນ (APSC) ຄັ້ງທີ 18 ແລະກອງປະຊຸມສະພາປະສານງານອາຊຽນ (ACC) ຄັ້ງທີ 22.
|
|
ຫົວໜ້າຄະນະຜູ້ແທນຂອງບັດດາປະເທດອາຊຽນເຂົ້າຮ່ວມກອງປະຊຸມສະພາປະຊາຄົມການເມືອງ - ຄວາມໝັ້ນຄົງອາຊຽນ (APSC) ຄັ້ງທີ 18 ຖ່າຍຮູບລວມ. ພາບ: ສໍານັກຂ່າວສານຫວຽດນາມ. |
ທີ່ກອງປະຊຸມ, ທ່ານ ຟ້າມບິ່ງມິງ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ສະເໜີໃຫ້ບັນດາປະເທດອາຊຽນສືບຕໍ່ເພີ່ມທະວີຄວາມສາມັກຄີຮັບມືກັບບັນດາສິ່ງທ້າທາຍດ້ານຄວາມໝັ້ນຄົງໃນຂອບເຂດການເຄື່ອນໄຫວກະກຽມໃຫ້ແກ່ກອງປະຊຸມສຸດຍອດອາຊຽນ 33 ແລະກອງປະຊຸມສະພາປະຊາຄົມການເມືອງ - ຄວາມໝັ້ນຄົງອາຊຽນ (APSC) ແລະກອງປະຊຸມສະພາປະສານງານອາຊຽນ (ACC) ເພື່ອກວດກາຄືນສະພາບການຮ່ວມມືຂອງອາຊຽນ. ນອກນີ້ອາຊຽນຄວນສືບຕໍ່ວາງໜ້າທີ່ຈຸມສຸມເຂົ້າໃສ່ເລື່ອງຮັບປະກັນສັນຕິພາບ, ສະຖຽນລະພາບຂອງພາກພື້ນ, ຮັກສາບົດບາດເປັນໃຈກາງຂອງອາຊຽນ. ພ້ອມທັງຍຶດໝັ້ນບັນດາຫຼັກການທີ່ໄດ້ຕົກລົງກັນ, ຮ່ວມກັນມານະພະຍາຍາມຮັບປະກັນສັນຕິພາບ, ສະຖຽນລະພາບ ແລະຄວາມໝັ້ນຄົງຢູ່ທະເລຕາເວັນອອກ, ເຄົາລົບປະຕິບັດກົດໝາຍສາກົນ, ປອດການທະຫານ, ບໍ່ມີການກະທຳສ້າງຄວາມສັບສົນຕໍ່ສະພາບການ, ໃຫ້ຄຳໝັ້ນສັນຍາວ່າຈະແກ້ໄຂຂໍ້ຂັດແຍ່ງກັນໂດຍສັນຕິວິທີບົນພື້ນຖານກົດໝາຍສາກົນ.
ຂ່າວ: ຂປລ