ກອງປະຊຸມການນໍາອົງການພຸດທະສາສະໜາ ຫວຽດນາມ-ລາວ-ກໍາປູເຈຍ ຄັ້ງທີ 1
ກປ.ອອນໄລ - ວັນທີ 12 ພະຈິກ, ກອງປະຊຸມການນໍາອົງການພຸດທະສາສະໜາ 3 ປະເທດ ຫວຽດນາມ-ລາວ-ກໍາປູເຈຍ ໄດ້ດໍາເນີນຢູ່ນະຄອນຫຼວງວຽງຈັນ.
ນີ້ແມ່ນຄັ້ງທໍາອິດທີ່ກອງປະຊຸມໄດ້ຈັດຕັ້ງເພື່ອແນໃສ່ຊຸກຍູ້ການພົບປະແລກປ່ຽນ, ຮ່ວມມື, ພັດທະນາພຸດທະສາສະໜາ, ສ້າງສັນຕິພາບ, ຄວາມຜາສຸກໃຫ້ແກ່ມວນມະນຸດ.
ທີ່ກອງປະຊຸມ, ການນໍາອົງການພຸດທະສາສະໜາ 3 ປະເທດ ຫວຽດນາມ-ລາວ-ກໍາປູເຈຍ ຢືນຢັນວ່າ ອົງການພຸດທະສາສະໜາ 3 ປະເທດ ຫວຽດນາມ-ລາວ-ກໍາປູເຈຍ ຄວນເພີ່ມທະວີການຮ່ວມມືມິດຕະພາບ, ສົມທົບກັນແໜ້ນແຟ້ນໃນວຽກງານພຸດທະສາສະໜາ, ພົບປະແລກປ່ຽນແບ່ງປັນບົດຮຽນໃນທຸກຂົງເຂດເພື່ອຕອບສະໜອງຄວາມຕ້ອງການຂອງສັງຄົມ ແລະເຂົ້າຮ່ວມແກ້ໄຂບັນດາບັນຫາທົ່ວໂລກ ເພື່ອແນໃສ່ນໍາມາເຊິ່ງຄວາມໝັ້ນຄົງ ແລະຄວາມສົມບູນພູນສຸກ, ສັນຕິພາບ, ວັດທະນາຖາວອນໃຫ້ພາກພື້ນ ແລະໂລກ.
|
|
ຜູ້ແທນເຂົ້າຮ່ວມກອງປະຊຸມ. ພາບ: ສໍານັກຂ່າວສານຫວຽດນາມ. |
ບົນຈິດໃຈນັ້ນ, ການນໍາອົງການພຸດທະສາສະໜາ 3 ປະເທດ ເຫັນດີເປັນເອກະສັນເພີ່ມທະວີການປັບປຸງ ແລະພັດທະນານໍ້າໃຈສາມັກຄີ, ປອງດອງໃນພຸດທະສາສະນິກະຊົນ 3 ປະເທດ; ພ້ອມທັງສຶກສາອົບຮົມກ່ຽວກັບມູນເຊື້ອສາມັກຄີ, ມິດຕະພາບແບບພິເສດລະຫວ່າງປະຊາຄົມພຸດທະສາສະນິກະຊົນ ແລະປະຊາຊົນ 3 ປະເທດ ຫວຽດນາມ-ລາວ-ກໍາປູເຈຍ ບົນພື້ນຖານເຄົາລົບອະທິປະໄຕ, ຄວາມສະເໝີພາບ, ຮັກຫອມສັນຕິພາບ ແລະພັດທະນາຢ່າງກົມກຽວລະຫວ່າງ 3 ປະເທດ.
ໂດຍ: ທູຈາງ