ຫວຽດນາມ ຖືເປັນສໍາຄັນການພົວພັນຄູ່ຮ່ວມມືຍຸດທະສາດ ອາຊຽນ - ອົດສະຕາລີ
ກປ.ອອນໄລ - ໃນລະຫວ່າງວັນທີ 22-23 ພຶດສະພາ, ຢູ່ Canberra, ອົດສະຕາລີ ໄດ້ດໍາເນີນເວທີປາໄສ ອາຊຽນ-ອົດສະຕາລີ ຄັ້ງທີ 30 ໂດຍທ່ານ Myint Thu ເລຂາຜູ້ປະຈໍາການ, ຫົວໜ້າ SOM ອາຊຽນ ມຽນມາ ແລະທ່ານ Richard Maude ຮອງລັດຖະມົນຕີການຕ່າງປະເທດ ອົດສະຕາລີ ເປັນປະທານຮ່ວມ. ທ່ານ ຫງວຽນກວກຢູ້ງ ຮອງລັດຖະມົນຕີກະຊວງການຕ່າງປະເທດ ນໍາໜ້າຄະນະຜູ້ແທນຫວຽດນາມ ເຂົ້າຮ່ວມເວທີປາໄສ.
ກ່າວຄໍາເຫັນທີ່ເວທີປາໄສ, ທ່ານ ຫງວຽນກວກຢູ້ງ ຮອງລັດຖະມົນຕີກະຊວງການຕ່າງປະເທດຫວຽດນາມ ຖືເປັນສໍາຄັນການພົວພັນຄູ່ຮ່ວມມືຍຸດທະສາດ ອາຊຽນ - ອົດສະຕາລີ; ຕີລາຄາສູງໝາກຜົນສໍາຄັນຂອງກອງປະຊຸມສຸດຍອດພິເສດ ອາຊຽນ - ອົດສະຕາລີ; ເຫັນດີເປັນເອກະພາບ ອາຊຽນ ຈະຕັ້ງໜ້າສົມທົບພ້ອມກັບອົດສະຕາລີ ຜັນຂະຫຍາຍບັນດາຂໍ້ລິເລີ່ມຂອງຂັ້ນສູງພິເສດຢ່າງມີປະສິດທິຜົນ.
    |
 |
|
ບັນດາຜູ້ແທນເຂົ້າຮ່ວມກອງປະຊຸມ. ພາບ: kinhtedothi.vn. |
ທ່ານ ຫງວຽນກວກຢູ້ງ ແບ່ງປັນທັດສະນະສະເໝີຕົ້ນສະເໝີປາຍຂອງອາຊຽນ ກ່ຽວກັບບັນຫາທະເລຕາເວັນອອກ, ເຊິ່ງບັນດາການນໍາອາຊຽນ ຢືນຢັນຄືນໃໝ່ຢູ່ກອງປະຊຸມສຸດຍອດ ອາຊຽນ ຄັ້ງທີ 32 ຜ່ານມາ; ປາດຖະໜາຢາກໃຫ້ອົດສະຕາລີ ສືບຕໍ່ເສີມຂະຫຍາຍບົດບາດຢ່າງຕັ້ງໜ້າ ແລະປະກອບສ່ວນສ້າງສາ, ມີຄວາມຮັບຜິດຊອບພ້ອມກັບອາຊຽນ ແກ້ໄຂບັນດາສິ່ງທ້າທາຍວາງອອກສໍາລັບສັນຕິພາບ, ສະຖຽນລະພາບຢູ່ພາກພື້ນ.
ແປໂດຍ: ເຈິ່ນຮວ່ຽນ