ຫວຽດນາມ ປະກອບສ່ວນຢ່າງຕັ້ງໜ້າທີ່ການເຈລະຈາອາຊຽນ -ອີຢູ ກ່ຽວກັບການພັດທະນາແບບຍືນຍົງ
ກປ.ອອນໄລ - ວັນທີ 17 ພະຈິກ, ຢູ່ນະຄອນຫຼວງ ບາງກອກ, ປະເທດໄທ ໄດ້ດໍາເນີນການເຈະຈາອາຊຽນ - ອີຢູ ກ່ຽວກັບການພັດທະນາແບບຍືນຍົງດ້ວຍຫົວຂໍ້ວ່າ “ມຸ່ງໄປເຖິງບັນລຸໄດ້ບັນດາເປົ້າໝາຍພັດທະນາແບບຍືນຍົງ”, ພາຍໃຕ້ການເປັນປະທານຮ່ວມຂອງທ່ານ Don Pramudwinai ລັດຖະມົນຕີກະຊວງການຕ່າງປະເທດ ໄທ ແລະທ່ານ Neven Mimica ກໍາມະການຄະນະກໍາມະການ ເອີລົບ ຮັບຜິດຊອບການຮ່ວມມື ແລະພັດທະນາສາກົນ.
ບັນຍາກາດທີ່ການເຈລະຈາ. ພາບ: baochinhphu.vn
ທີ່ການເຈລະຈາ, ທ່ານຮອງລັດຖະມົນຕີກະຊວງການຕ່າງປະເທດຫວຽດນາມ ຫງວຽນກ໋ວກຢູ໊ງ ໄດ້ສະເໜີບັນດາຂົງເຂດທີ່ມີຄວາມສາມາດບົ່ມຊ້ອນ ເຊິ່ງອາຊຽນ - ອີຢູ ອາດສາມາດສືບຕໍ່ຊຸກຍູ້ຄືການເພີ່ມທະວີການເຊື່ອມຕໍ່ເສດຖະກິດ, ການຄ້າ ແລະການລົງທຶນສອງຝ່າຍ, ພາກພື້ນ ແລະລະຫວ່າງພາກພື້ນ; ສ້າງນະໂຍບາຍປະຕິບັດບັນດາເປົ້າໝາຍພັດທະນາແບບຍືນຍົງຂອງສະຫະປະຊາຊາດບົນພື້ນຖານມຸ່ງໄປເຖິງປະຊາຊົນ, ຖືປະຊາຊົນເປັນໃຈກາງ; ການສຶກສາ ແລະວິທະຍາສາດເຕັກໂນໂລຊີຄວນໄດ້ຮັບການສຸມໃສ່ຄືແມ່ນກຳລັງໜູນພັດທະນາ ແລະມີຫົວຄິດປະດິດສ້າງແບບໃໝ່ ເພື່ອແນໃສ່ໃຫ້ແກ່ແຮງງານໜຸ່ມມີກໍາລັງຄວາມສາມາດ ແລະທັກສະ.
ແປໂດຍ: ກວຽດເຕິມ