ປະທານ EC ແລະນາຍົກລັດຖະມົນຕີອັງກິດ ມີການພົບປະທີ່ມີລັກສະນະສ້າງສັນ
ໃນຖະແຫຼງການຮ່ວມທີ່ໄດ້ຍົກອອກມາພາຍຫຼັງການພົບປະລະຫວ່າງທ່ານ Jean – Claude Juncker ປະທານຄະນະກໍາມະການເອີຣົບ (EC) ແລະທ່ານນາງTheresa May ນາຍົກລັດຖະມົນຕີອັງກິດ ໃນວັນທີ 20 ກຸມພາ, ສອງຝ່າຍໄດ້ໃຫ້ຮູ້ວ່າ ເຂົາເຈົ້າໄດ້ມີການເຮັດວຽກທີ່ມີລັກສະນະສ້າງສັນໃນຕອນຄໍ່າຂອງວັນດຽວກັນຢູ່ບຣຸກແຊນ ແລະຄາດວ່າ ຈະພົບປະກັນຄັ້ງໃໝ່ກ່ອນທ້າຍເດືອນນີ້ ເພື່ອຕີລາຄາວິວັດທະນາການເຈລະຈາກ່ຽວກັບເລື່ອງອັງກິດ ຖອນຕົວອອກຈາກສະຫະພາບເອີຣົບ (ອີຢູ) ຫຼື ເອີ້ນວ່າ Brexit.
ການນໍາສອງທ່ານກໍ່ບໍ່ໄດ້ເຕື້ອງເຖິງການປ່ຽນແປງໃດໆສໍາລັບຂໍ້ຕົກລົງຖອນຕົວອອກຈາກອີຢູ ທີ່ໄດ້ເຈລະຈາລະຫວ່າງລັດຖະບານອັງກິດ ແລະອີຢູ, ເຊິ່ງພຽງແຕ່ເວົ້າເຖິງຄວາມອາດສາມາດໃນການຍົກອອກມາດຕະການທົດແທນ ຫຼື ປ່ຽນແປງຖະແຫຼງການການເມືອງໄປພ້ອມ. ສອງຝ່າຍໄດ້ຢັ້ງຢືນຄືນໃໝ່ບັນດາມາດຕາໃນຂໍ້ຕົກລົງ Brexit ແມ່ນສິ່ງກີດຂວາງຊົ່ວຄາວ ແລະຖືວ່າ ບັນດາການປຶກສາຫາລືທີ່ຫາກໍ່ດໍາເນີນໄປນັ້ນໄດ້ສຸມໃສ່ມາດຕາດັ່ງກ່າວເປັນຕົ້ນຕໍ ເພື່ອແນໃສ່ຍົກອອກວິທີຮັບປະກັນທີ່ສອດຄ່ອງກັບກົດໝາຍ.
ແຫຼ່ງຄັດຈາກ: vovworld.vn